22.04.2026 | 23:30
ՀՀ տարածքում ավտոճանապարհները հիմնականում անցանելի են
Զելենսկին Շոլցի հետ քննարկել է Ուկրաինային աջակցության և հացահատիկի մատակարարման հարցեր
Քաղաքականություն
08.06.2022 | 17:16
Ուկրաինայի նախագահ Վլադիմիր Զելենսկին հունիսի 8-ին հեռախոսազրույց է ունեցել Գերմանիայի կանցլեր Օլաֆ Շոլցի հետ՝ քննարկելով մի շարք հարցեր, այդ թվում՝ ուկրաինական հացահատիկի մատակարարման խնդիրը։ Այս մասին գրում է Korrespondent-ը։
«Հեռախոսազրույց եմ ունեցել Օլաֆ Շոլցի հետ: Քննարկել ենք Ուկրաինային պաշտպանական աջակցության ուժեղացումը, պարենային գլոբալ անվտանգության ապահովումը, ռազմագերիների հետ վարվելու միջազգային չափանիշներին Ռուսաստանի համապատասխանության հարցերը: Մատնանշել եմ որոշումների կայացման կարևորությունը՝ ԵՄ-ին Ուկրաինայի ինտեգրման համար»,- գրել է Զելենսկին Twitter-ում։
Գերմանիայի կառավարությունն իր հերթին հայտնել է, որ Շոլցն ու Զելենսկին պայմանավորվել են անել անհրաժեշտ ամեն ինչ՝ Ուկրաինայից հացահատիկային մշակաբույսերի արտահանումն ապահովելու համար։
«Կանցլերն Ուկրաինայի նախագահին տեղեկացրել է մայիսի 28-ին ՌԴ նախագահ Պուտինի և Ֆրանսիայի նախագահ Մակրոնի հետ իր վերջին հեռախոսազրույցի մասին: Դաշնային կանցլերը և Ուկրաինայի նախագահը մտքեր են փոխանակել նաև Ուկրաինայի ներկայիս ռազմական և հումանիտար իրավիճակի շուրջ: Նրանք պայմանավորվել են, որ ամեն ինչ պետք է անել՝ Ուկրաինայից հացահատիկի արտահանումն ապահովելու համար, հատկապես՝ ծովային ճանապարհով»,- ասվում է հաղորդագրությունում։
