05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Սննդամթերքը 1 տարում թանկացել է 14,5 %-ով
Տնտեսություն
06.06.2022 | 22:11
Այս տարվա մայիսին նախորդ տարվա նույն ամսվա համեմատ սպառողական գների ինդեքսն աճել է 9 %-ով։ Այս մասին տեղեկանում ենք Վիճակագրական կոմիտեի հրապարակած տվյալներից։
Միայն սննդամթերքն ու ոչ ալկոհոլային խմիչքները 1 տարում թանկացել են 14,5 %-ով։
Հանրապետությունում գրանցվել է խոզի մսի՝ 10.8%, ալյուրի՝ 13.5%, բրնձի՝ 15.8%, լոբու 5.1% գնաճ։ Ձվի գինը նվազել է 28.7%-ով, շաքարի և շաքարավազի ապրանքախմբում արձանագրվել է 8.6% գնաճ, գառան և տավարի մսերի գներն աճել են 4.8% և 12.2%-ով, հացինը՝ 14.1%-ով, կաթնաշոռինը՝ 19.2%-ով, պանրինը՝ 22.9%-ով, մակարոնեղենինը՝ 27.7%-ով։
Հնդկացորենի, ոսպի և ոլոռի գներն աճել են 41.7%, 34.5%, 11.9%-ով, բանջարեղենի և մրգի ապրանքախմբերում արձանագրվել է 51.3% և 0.4% գնաճ։
Ոչ պարենային ապրանքների գներ
2022թ. մայիսին 2021թ. մայիսի համեմատ ոչ պարենային ապրանքների շուկայում գրանցվել է 6.8% գնաճ։ Հագուստն ու կոշիկը թանկացել է 8.5 %-ով, կահույքը՝ 6,9 %-ով, խոշոր կենցաղային սարքերը՝ 7,6 %-ով։
Ծառայությունների սակագներ
Բնակչությանը մատուցված ծառայությունների ոլորտում 2022 թ. մայիսին 2021 թ. մայիսի համեմատ սակագներն աճել են 4.8 %-ով: Մեծապես աճել է հանգստի ծառայությունների կազմակերպումը՝ 26 %-ով, տրանսպորտի ապահովագրությունը՝ 7,3 %-ով, սպասարկման ծառայութնունները՝ 6,9 %-ով, Հանգստի և սպորտային միջոցառումների հետ կապված ծառայությունները 6,2 %-ով, տրանսպորտի ծառայությունները՝ 5,7 %-ով, նախադպրոցական և տարրական կրթությունը՝ 5,1 %-ով, Բնակարանի նորոգման և սպասարկման ծառայությունները՝ 4 %-ով։
Անժելա Պողոսյան
