05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Հռիփսիմե Խուրշուդյանը 6 տարվա դադարից հետո 5-րդ տեղն է զբաղեցրել ԵԱ-ում
05.06.2022 | 00:19
Ալբանիայում շարունակվում է Եվրոպայի ծանրամարտի առաջնությունը։ Ինչպես տեղեկացնում են ԿԳՄՍ նախարարությունից, այսօր պայքարի դուրս եկած մեր վերջին ներկայացուցիչը՝ Հռիփսիմե Խուրշուդյանը (87 կգ), 6 տարվա դադարից հետո վերադառնալով մրցահարթակ, 5-րդ տեղն է զբաղեցրել Եվրոպայի առաջնությունում՝ երկամարտի 227 կգ արդյունքով (105+122)։
Ավելի վաղ տեղեկացրել էինք, որ 102 կգ քաշայինների պայքարում երկամարտի 390 կգ արդյունքով (176 + 214) արծաթե մեդալը նվաճել է Հայաստանի ներկայացուցիչ Սամվել Գասպարյանը։ Նա ընդամենը 2 կգ է զիջել չեմպիոնի կոչումը նվաճած բուլղարացի ծանրորդին։
109 կգ քաշային կարգում էլ Հայաստանի ներկայացուցիչ Արսեն Մարտիրոսյանը երկամարտում ցույց է տվել 371 կգ արդյունք (170 + 201) և կանգնել պատվո հարթակի երրորդ աստիճանին։
Մրցումային վերջին օրը՝ հունիսի 5-ին, պայքարի մեջ կմտնեն գերծանր քաշային ծանրորդները՝ Գոռ Մինասյանն ու Վարազդատ Լալայանը (+109 կգ):
Նրանց մրցելույթների մեկնարկը ժամը 18:00-ից է:
