19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Փակ շուկայի գետնանցման համար մրցույթ կհայտարարվի, կբարեկարգվի․ քաղաքապետ․ ՏԵՍԱՆՅՈՒԹ
Տնտեսություն
03.06.2022 | 18:15
«Գետնանցումները խնդիր են դարձել մեր քաղաքի համար. քաղաքի կենտրոնում գտնվող գետնանցումների սանիտարական վիճակը «տխուր» է»,- ԱԺ մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի կատարման մասին» հաշվետվության քննարկման ժամանակ այս խնդրի մասին բարձրաձայնեց պատգամավոր Սերգեյ Բագրատյանը:
Պատգամավորն առաջարկեց տարածքները տրամադրել մասնավորին, որպեսզի պահպանվի պատշաճ մաքրություն:
Երևանի քաղաքապետ Հրաչյա Սարգսյանը վստահեցրեց. «Փակ շուկայի գետնանցման համար երկու շաբաթվա ընթացքում մրցույթ կհայտարարվի: Կարծում եմ, ճիշտ կլինի, որ այն համայնքի կողմից բարեկարգվի, այս պահի դրությամբ նախագիծը կա:
Խնդիրն այն է, որ այդ գետնանցումը բավականին նեղ է, և եթե մասնավորի տանք, կրպակներ է դնելու, և քաղաքացիների երթևեկությունը այնքան էլ լավ չի լինելու»:
Ինչ վերաբերում է Գրիգոր Լուսավորչի փողոց- Մաշտոցի պողոտա խաչմերուկի (նախկին «Ձկան խանութի» հարակից տարածքում գտնվող) գետնանցմանը, ապա քաղաքապետը հայտնեց՝ քննարկում են, որ մրցույթ հայտարարեն և դա տան մասնավորի:
Մանրամասները՝ տեսանյութում:
