24.03.2026 | 11:13
Ադրբեջանի տարածքով Հայաստան է ուղարկվել ռուսական պարարտանյութեր և հնդկաձավար. ՏԵՍԱՆՅՈՒԹ
«Նախագծումը մեծ դարդ ա․ ծրագրերի հսկայական մաս դանդաղ է ընթանում նախագծողների մեղքով»․ Սանոսյան
Քաղաքականություն
03.06.2022 | 15:59
Եթե ամեն ինչ գրաֆիկով գնա, ապա Թեղուտի հանքն առաջիկայում կսկսի աշխատել։ ԱԺ-ում 2021թ. պետբյուջեի կատարողականի քննարկման ժամանակ այս մասին ասաց տարածքային կառավարման և ենթակառուցվածքների նախարար Գնել Սանոսյանը։
«Թեղուտը որոշակի խնդիրներ ուներ` հիմնականում հումքի արտահանման հետ կապված։ Ինչպես նաև որոշակի վերազինման, կահավորման աշխատանքներով պայմանավորված` հանքը դադարեցրել էր գործունեությունը։ Սակայն աշխատակիցներն օրենքով սահմանված ձևով վարձատրվում են»,- նշեց Սանոսյանը։
Նրա խոսքով` ընկերության ներկայացուցիչների հետ բազմաթիվ հանդիպումներ են ունեցել` հաշվի առնելով մտահոգությունները։ Հանքի ներկայացուցիչները վստահեցրել են, որ խտանյութի արտահանման հետ կապված խնդիրները կարծես կարգավորել են, հունիսի 10-ից հետո կսկսեն արտահանել։ Ինչն էլ, ըստ Սանոսյանի, կբերի նրան, որ 1 ամսվա ընթացքում հանքը կսկսի աշխատել։
Անդրադառնալով ճանապարհաշինարարական աշխատանքներին, մասնավորապես Մ6 ճանապարհահատվածի նախագծման հետ կապված խնդրին, Սանոսյանը նշեց. «Դա ընդհանուր մեծ դարդ ա, այս երկրում այս դարդն ամենաշատը մեր նախարարությունն ունի: Մեր ծրագրերի մի հսկայական մասը դանդաղ է ընթանում նախագծողների մեղքով, բայց տարիների ընթացքում անընդհատ խստացումներ են արվել, որպեսզի աշխատանքների որակը բարձրանա: Եվ այժմ որոշակի տարբերություն կա: Բայց եթե շատ խիստ աչքերով նայենք, Հայաստանում շինարարությունը կարող է կանգնել: Անընդհատ այդ պրոցեսի մեջ ենք՝ շինարար-նախագծող, վեճ կռիվ, մինչև փորձենք կարգավորել, պրոցեսն առաջ գնա»:
Սանոսյանը վստահեցրեց, որ Մ6 հատվածի ճանապարհաշինարարական աշխատանքներն այս տարի կավարտվեն:
Մանրամասները՝ տեսանյութում:
