02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
11 մեղադրյալ՝ երեխաների վաճառքի քրգործով․ Բեգլարյանը դեմ է ԼՂ կարգավորմանը ԵՄ-ի մասնակցելուն․ Լուրեր
Տեսանյութեր
03.06.2022 | 15:06
Արցախի իշխանությունները կարծում են, որ Լեռնային Ղարաբաղի հակամարտության կարգավորմանը Եվրամիությունը չպետք է մասնակցի: Այս մասին «ՌԻԱ Նովոստի»-ին ասել է Արցախի պետնախարար Արտակ Բեգլարյանը: Նա նշել է, որ հաշվի առնելով Մինսկի խմբի համանախագահների ձևաչափը և ռուսական խաղաղապահ առաքելության արդյունավետ դերակատարությունը՝ կարծում են, որ ղարաբաղյան հակամարտության կարգավորման հարցը չպետք է Եվրամիության համար դառնա բանակցությունների առարկա։
ԱԽ քարտուղար Արմեն Գրիգորյանն ընդունել է Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի գլխավորած պատվիրակությանը։ Զրուցակիցները քննարկել են հայ-ադրբեջանական հարաբերությունների կարգավորմանն առընչվող հարցեր, ինչի շրջանակներում ԱԽ քարտուղարը բարձր է գնահատել ԵՄ-ի դերակատարությունը: Կողմերը հատուկ անդրադարձ են կատարել առկա հումանիտար խնդիրներին, մասնավորապես՝ հայ ռազմագերիների և այլ պահվող անձանց հայրենադարձման խնդրին։
Հայաստանի քննչական կոմիտեից հայտնել են, որ ավարտել են 2015-2018 թթ. ընկած ժամանակահատվածում օտարերկրյա քաղաքացիների կողմից Հայաստանի քաղաքացի մանկահասակ երեխաների որդեգրումների գործընթացում ներպետական մարմինների աշխատակիցների կողմից թույլ տրված պաշտոնեական անփութության, պաշտոնեական լիազորությունները չարաշահելու, երեխաների առք ու վաճառքի, փողերի լվացման դեպքերի առթիվ հարուցված քրեական գործի նախաքննությունը 11 մեղադրյալի մասով։ Պարզվել է, որ երեխաների վաճառքի համար պատասխանատուները ստացել են 15-25 հազար եվրո։ Գործն ուղարկվել է դատախազին։
Այս ժամի լուրերը՝ տեսանյութում։
