18.05.2024 | 22:23
Աշխաբադում բացվել է Սայաթ-Նովայի արձանը
Ստոլտենբերգը Թուրքիայի, Ֆինլանդիայի և Շվեդիայի միջև ՆԱՏՕ-ին անդամակցության հարցով բանակցություններ է կազմակերպում
Քաղաքականություն
02.06.2022 | 15:42
ՆԱՏՕ-ն հայտարարել է, որ բանակցություններ է անցկացնելու Թուրքիայի, Ֆինլանդիայի և Շվեդիայի մասնակցությամբ՝ հույս ունենալով այս ամիս կայանալիք գագաթնաժողովից առաջ վերջ տալ Անկարայի դիմադրությանը դաշինքին այս երկրների միանալուն։ Այս մասին հայտնել է AFP-ն, որին վկայակոչում է Turkish Minute-ը։
ՆԱՏՕ-ի գլխավոր քարտուղար Յենս Ստոլտենբերգն ասել է, որ առաջիկա օրերին երեք երկրների բարձրաստիճան պաշտոնյաներին հավաքելու է Բրյուսելում, որպեսզի առաջընթաց ապահովի ՆԱՏՕ-ին Շվեդիայի և Ֆինլանդիայի միանալու դիմումների հարցում։
«Իմ մտադրությունն է դա անել նախքան հունիսի 28-ին Մադրիդում կայանալիք ՆԱՏՕ-ի գագաթնաժողովը։ Ֆինլանդիան և Շվեդիան հստակեցրել են, որ պատրաստ են նստել սեղանի շուրջ և անդրադառնալ Թուրքիայի մտահոգություններին»,- ասել է Ստոլտենբերգը ԱՄՆ պետքարտուղար Էնթոնի Բլինքենի հետ համատեղ մամուլի ասուլիսում։
Հավելենք, որ Թուրքիան դեմ է այս երկու երկրների՝ ՆԱՏՕ-ին անդամակցությանը՝ նրանց մեղադրելով քուրդ «ահաբեկիչներին» աջակցելու մեջ։
Ստոլտենբերգն ասել է, որ Շվեդիան և Ֆինլանդիան լուրջ են վերաբերվում PKK-ի խնդրին։ Ըստ նրա՝ ՆԱՏՕ-ի ոչ մի դաշնակից այդքան չի տուժել ահաբեկչական հարձակումներից, որքան Թուրքիան։
Էմմա Չոբանյան
