20.11.2024 | 11:15
ՌԴ ՊՆ-ն հայտնել է ուկրաինական 44 ԱԹՍ-ների գրոհը հետ մղելու մասին
Պրիմորիեում Կոմկուսի խմբակցությունը հեռացրել է երկու պատգամավորի՝ պատերազմի դեմ բողոքելու համար
Քաղաքականություն
01.06.2022 | 22:21
Պրիմորյեի երկրամասի օրենսդիր ժողովի Կոմունիստական կուսակցության խմբակցությունը պատգամավորներ Լեոնիդ Վասյուկևիչին և Գենադի Շուլգային հեռացրել է խմբակցությունից՝ Ուկրաինայի դեմ պատերազմը դադարեցնելու և այդ երկրի տարածքից ռուսական զորքերի դուրսբերման կոչերի համար։ Կուսակցությունից հեռացման ընթացակարգը տեղի է ունեցել Կոմկուսի Պրիմորսկի շրջանային կոմիտեի բյուրոյի առաջարկությամբ, փոխանցում է DW-ի ռուսական ծառայությունը։
Խմբակցության նախագահ Անատոլի Դոլգաչովն ասել է, որ Վասյուկևիչն ու Շուլգան, որոնք Կոմկուսի անդամ չեն, «ընտրվել են միայն այն պատճառով, որ անցել են Կոմկուսի անվան տակ, իսկ հիմա դավաճանել են իրենց ընտրողներին»։
«Այդ պատգամավորներն իրենց դեմարշով վարկաբեկել են մեր կուսակցությանը, ուստի տեղ չունեն մեր շարքերում։ Ռուսաստանի Դաշնության Կոմունիստական կուսակցության պաշտոնական դիրքորոշումն այն է, որ մենք աջակցում ենք մեր զինված ուժերի գործողություններին՝ ուղղված Ուկրաինայի ապազգայնացմանը»,- ընդգծել է Դոլգաչովը։
Լեոնիդ Վասյուկևիչը մայիսի 27-ին Պրիմորիեի օրենսդիր ժողովի նիստում ընթերցել է «պատգամավորների խմբի» դիմումը Ռուսաստանի նախագահ Վլադիմիր Պուտինին՝ պահանջելով դադարեցնել ռազմական գործողությունները Ուկրաինայում և դուրս բերել ռուսական զորքերն այնտեղից: Սակայն միայն Գենադի Շուլգան է հրապարակայնորեն պաշտպանել այս հակապատերազմական բողոքի ակցիան, իսկ Կոմունիստական կուսակցության խմբակցության ևս երկու անդամներ նույն հանդիպման ժամանակ հայտարարել են, որ իրենք կապ չունեն այդ դիմումի հետ։
Տաթև Ֆռանգյան
