06.11.2024 | 18:23
Թրամփի պաշտոնավարման երկրորդ ժամկետը սպառնալիք է մարդու իրավունքների համար ԱՄՆ-ում և աշխարհում․ HRW
Թուրքիան հրաժարվում է Հունաստանի հետ երկկողմ բանակցություններից
Քաղաքականություն
01.06.2022 | 18:34
Թուրքիայի նախագահ Ռեջեփ Թայիփ Էրդողանը հայտարարել է, որ Անկարան այլևս երկկողմ բանակցություններ չի անցկացնելու Աթենքի հետ, գրում է ՏԱՍՍ-ը։
«Մենք խզել ենք Հունաստանի հետ բարձր մակարդակով Ռազմավարական խորհրդի անցկացման համաձայնագիրը։ Դուք պատմությունից դասեր չե՞ք քաղում։ Մի փորձեք պարել Թուրքիայի հետ, քանի որ կհոգնեք ու կմնաք ճանապարհին։ Մենք այլևս երկկողմ բանակցություններ չենք ունենա նրանց հետ»,- ասել է Էրդողանը։
Նա նաև հայտարարել է, որ ԱՄՆ Կոնգրեսում գերակշռում է Թուրքիային ընդդիմացող կիպրահույների լոբբին։
«Մենք արդեն հոգնել ենք նրանցից, ցավոք, այսօր Հունաստանի հետ նույն ճանապարհին չենք»,- ասել է Թուրքիայի նախագահը։
Հիշեցնենք, որ օրերս Էրդողանը հայտարարել էր, թե Հունաստանի վարչապետ Կիրիակոս Միցոտակիսն իր համար «այլևս գոյություն չունի», և նրան մեղադրել էր ԱՄՆ կատարած այցի ժամանակ Թուրքիային F-16 կործանիչների վաճառքն արգելափակելու փորձի մեջ։
Էմմա Չոբանյան
