09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ավարտական փուլում է Տ-5-32-Կաթնաջուր ավտոճանապարհի մոտ 4.4կմ երկարությամբ հատվածի վերականգնումը
31.05.2022 | 11:33
Տ-5-32-Կաթնաջուր ավտոճանապարհի մոտ 4.4կմ երկարությամբ հատվածի (կմ0+000-կմ4+370) վերականգնումն ավարտական փուլում է․ տեղեկացնում են «Ճանապարհային դեպարտամենտ» հիմնադրամից։
«Ճանապարհը նորոգվում է «Ճանապարհային դեպարտամենտ» հիմնադրամի կողմից իրականացվող Կենսական նշանակության ճանապարհային ցանցի բարելավման 2-րդ լրացուցիչ ֆինանսավորման ծրագրի շրջանակում։
Տեղական նշանակության ճանապարհը գտնվում է Լոռու մարզի Սպիտակի տարածաշրջանում. այն սկիզբ է առնում նույն ծրագրի շրջանակում 2020թ. վերականգնված Մ7-Մեծ Պարնի-Ծաղկաբեր ավտոճանապարհից և Մեծ Պարնի բնակավայրը միացնում է Կաթնաջուր գյուղին։
Կապալառու կազմակերպությունը կատարել է հողային, ասֆալտապատման աշխատանքներ, իրականացրել է գաբիոնային շարվածք‚ վերականգնել է ջրահեռացման համակարգը, արվել են նաև այլ աշխատանքներ։ Այժմ ընթացքի մեջ են ճանապարհի կահավորման աշխատանքները։
Ծրագրի շրջանակում նորոգվել են նաև Կաթնաջուրի հասարակական նշանակության շինություններ՝ մանկապարտեզ և դպրոց տանող 330մ ընդհանուր երկարությամբ ուղիները։
Տ-5-32-Կաթնաջուր ավտոճանապարհը նորոգվում է Համաշխարհային բանկի և ՀՀ կառավարության ֆինանսավորմամբ»,- ասված է հաղորդագրությունում։
