09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կոբախիձեն՝ Վրաստանի կողմից Ռուսաստանի դեմ պատժամիջոցների մասին
Քաղաքականություն
27.05.2022 | 22:13
Վրաստանը Ռուսաստանի դեմ պատժամիջոցներ չի կիրառում, իսկ ինչ վերաբերում է պատժամիջոցները շրջանցելուն, ապա Թբիլիսիի դիրքորոշումը հստակ է՝ Վրաստանը չի օգտագործվի այդ նպատակով։ Այս մասին հայտարարել է Վրաստանի իշխող «Վրացական երազանք» կուսակցության նախագահ Իրակլի Կոբախիձեն, փոխանցում է aliq.ge-ն։
Ըստ նրա՝ Ռուսաստանի դեմ պատժամիջոցները շրջանցելու վերաբերյալ ոչ մի ապացույց չկա, սակայն ընդդիմությունը դեռ կասկածներ ունի այս առնչությամբ։
«Ամեն ինչ պարզ է, չկա փաստ, որ ինչ-որ տեղ ինչ-որ բան շրջանցվել է, այնուամենայնիվ, ընդդիմությունը դեռ նման հարց է տալիս, սակայն դա նրանց իրավունքն է։ Այս հարցին, սակայն, պատասխան կտրվի: Սա պատժամիջոցների վերաբերյալ մեր դիրքորոշումն է»,- ասել է Կոբախիձեն։
Նշենք, որ Ուկրաինայում Ռուսաստանի կողմից սանձազերծած պատերազմից հետո, որը շարունակվում է առ այսօր, ուկրաինական կողմը բազմիցս վրաստանյան իշխանություններին մեղադրել է Ռուսաստանին պատժամիջոցները շրջանցելու հարցում օգնություն ցուցաբերելու մեջ։
