20.11.2024 | 11:15
ՌԴ ՊՆ-ն հայտնել է ուկրաինական 44 ԱԹՍ-ների գրոհը հետ մղելու մասին
ԵՏՄ երկրները հաջողությամբ հաղթահարում են սոցիալ-տնտեսական խոչընդոտները. Տոկաև
Քաղաքականություն
27.05.2022 | 17:37
Եվրասիական տնտեսական միության (ԵՏՄ) անդամ երկրները հաջողությամբ հաղթահարում են սոցիալ-տնտեսական խոչընդոտները համաշխարհային մարտահրավերների դեմ։ Այս մասին հայտարարել է Ղազախստանի նախագահ Կասիմ-Ժոմարտ Տոկաևը Եվրասիական տնտեսական բարձրագույն խորհրդի նիստի ժամանակ, գրում է ՏԱՍՍ-ը։
«Գլոբալ և տարածաշրջանային մարտահրավերների համատեքստում ԵՏՄ անդամ երկրների համատեղ ջանքերով հաջողությամբ հաղթահարվում են սոցիալ-տնտեսական խոչընդոտները, ապահովում մակրոտնտեսական կայունությունը և աճի դինամիկան»,- ասել է նա։
Նրա խոսքով՝ միության գործունեության տարիների ընթացքում ԵՏՄ երկրների հետ հանրապետության փոխադարձ առևտուրն աճել է 33%-ով, արտահանումը՝ 55%-ով։
«Ղազախստանում գործում են ավելի քան 15․000 համատեղ ձեռնարկություններ, որոնց թիվը շարունակում է աճել, և սա ուրախալի երևույթ է։ Այս ցուցանիշները վկայում են մեր ինտեգրացիոն համագործակցության հաջողության մասին»,- նշել է Ղազախստանի ղեկավարը։
Տաթև Ֆռանգյան
