28.07.2026 | 16:04
Օգոստոսի 1-ից ՍԱՏՄ-ն կստուգի սննդի առաքիչների բժշկական գրքույկները
Լեհաստանի ԱԳ նախարարը հայտարարել է, որ Ուկրաինայից 2 միլիոն փախստական որոշել է մնալ երկրում
Քաղաքականություն
01.06.2022 | 17:27
Երկու միլիոն ուկրաինացի փախստականներ, որոնք Լեհաստան են մեկնել, որոշել են մնալ այդ երկրում։ Այս մասին Ղազախստանի ԱԳՆ-ում կայացած մամուլի ասուլիսի ժամանակ հայտարարել է ԵԱՀԿ գործող նախագահ, Լեհաստանի արտգործնախարար Զբիգնև Ռաուն, փոխանցում է ՏԱՍՍ-ը։
«Ավելի քան 5 միլիոն ուկրաինացի ստիպված է եղել լքել երկիրը, 3,5 միլիոնը եկել է Լեհաստան։ Մեր հաշվարկով՝ 2 միլիոնը որոշել է մնալ Լեհաստանում»,- ասել է նա։
Պաշտոնյայի խոսքով՝ բոլոր ուկրաինացիները, որոնք նման որոշում են կայացրել, կարող են օգտվել բոլոր սոցիալական ու տնտեսական իրավունքներից Լեհաստանի քաղաքացիների հետ հավասար հիմունքներով։
Տաթև Ֆռանգյան
