09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիան գաղտնի բանակցություններ է վարում ՌԴ-ի և Ուկրաինայի հետ՝ հացահատիկի արտահանման համար միջանցք բացելու շուրջ․ Reuters
Քաղաքականություն
26.05.2022 | 19:44
Թուրքիան բանակցություններ է վարում Ռուսաստանի և Ուկրաինայի հետ՝ Բոսֆորով ուկրաինական հացահատիկի արտահանման համար միջանցք բացելու շուրջ։ Այս մասին հայտնում է Reuters գործակալությունը՝ հղում անելով սեփական աղբյուրներին։
«Թուրքիան և՛ Ռուսաստանի, և՛ Ուկրաինայի հետ բանակցություններ է վարում Ուկրաինայից հացահատիկի արտահանման շուրջ: Քանի որ Թուրքիայից է միջանցք բացվելու, այդ հացահատիկի պահանջարկ է առաջացել՝ նպատակային շուկաներ հասնելու համար: Բանակցությունները դեռևս շարունակվում են»,- ասել է լրատվականի աղբյուրը՝ հավելելով, որ բանակցությունները գաղտնի բնույթ են կրում։
Իրավիճակին ծանոթ ևս երկու աղբյուր հաստատել է բանակցությունների փաստը, որ Թուրքիան կօգնի Ուկրաինայից հացահատիկի արտահանմանը։ Reuters-ի զրուցակիցներից մեկն ասել է, որ չնայած ՆԱՏՕ-ի անդամ լինելուն՝ Թուրքիան Ռուսաստանի կողմից ավելի «չեզոք» է համարվում, քան Դաշինքի մյուս արևմտյան անդամները:
Գործակալությունը մեջբերում է Ստամբուլում գտնվող Bosphorus Observer խորհրդատվական ընկերության ղեկավար Յորուք Իշըքին, որը կարծում է, որ Թուրքիան կարող է առաջարկել իր ռազմական նավատորմի նավերը՝ տրանսպորտային նավերի անվտանգությունն ապահովելու և միջանցքներն ականազերծելու համար:
Տաթև Ֆռանգյան
