19.12.2025 | 21:03
Բաքուն Ռուբեն Վարդանյանի մասին քարոզչական ֆիլմ է պատրաստել
Բեռլինն աջակցում է Լեռնային Ղարաբաղ և՛ ադրբեջանցիների, և՛ հայերի վերադարձին․ Բաքվում Գերմանիայի դեսպան
Քաղաքականություն
25.05.2022 | 17:05
Գերմանիան հետաքրքրված է, որ Արցախում ինչպես ադրբեջանցիները, այնպես էլ հայերը խաղաղ ապրեն։ Բնակիչների այնտեղ վերադարձը կնպաստի ողջ տարածաշրջանի զարգացմանը։ Այս մասին ադրբեջանական Report-ին տված հարցազրույցում հայտարարել է Բաքվում Գերմանիայի դեսպան Վոլֆգանգ Մանիգը։
«Վերաբնակեցումը պետք է հանգեցնի խաղաղության ու հաշտեցման։ Իհարկե, կապ չունի, թե նրանք ինչ էթնիկ ծագում ունեն, նրանք պետք է որոշվեն շրջանով, որտեղից սերում են։ Եվ մենք ակնկալում ենք, որ երբ ադրբեջանցիները հաստատվեն այնտեղ, վաղ թե ուշ կապեր կհաստատեն հայերի հետ, նաև այնտեղ տեղափոխվածների հետ ու հակառակը։ Ընդհանուր վերաբնակեցումը նշանակում է, որ ադրբեջանցիները մի օր կվերադառնան Ստեփանակերտ, իսկ հայերը՝ Հադրութ ու այդպես շարունակ»,- ասել է դեսպանը։
Նա նշել է, որ այդ հարցը քննարկել է նաև Ադրբեջանի փախստականների և հարկադիր տեղահանվածների հարցերով պետական կոմիտեի նախագահ Ռովշան Ռզաևի հետ Շուշի կատարած այցի ընթացքում։
«Մենք կարծիքներ ենք փոխանակել նաև այդ տարածքների վերականգնման հնարավորությունների շուրջ»,- ասել է դեսպանը։
Հիշեցնենք, որ օրերս Մանիգն այցելել էր Արցախի գրավյալ հայկական Շուշի քաղաք։
Էմմա Չոբանյան
