06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Սխալ ճանապարհ ենք ընտրել․ Վիգեն Խաչատրյան․ ՏԵՍԱՆՅՈՒԹ
Քաղաքականություն
25.05.2022 | 13:33
«Վեց ամիս, և ևս վեց ամիս ժամկետը պատահական չէ սահմանված: ԱԺ քննիչ հանձնաժողովները հանրային հնչեղություն ունեցող հարց են ուսումնասիրում, պետք է վեց ամիս հետո գան ԱԺ-ում ներկայացնեն՝ ինչ է կատարվել, քանի որ մեկ տարի հետո հանրային հնչեղությունը կարող է վերանալ»- այս մասին ԱԺ նիստում «Ազգային ժողովի կանոնակարգ» օրենքում քննիչ հանձնաժողովի լիազորությունների ժամկետին վերաբերող փոփոխությունների քննարկման ժամանակ նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը՝ առաջարկելով հանձնաժողովների գործունեության սահմանված ժամկետները թողնել անփոփոխ:
Նախագծով ԱԺ քննիչ հանձնաժողովների գործունեության ժամկետն առաջարկվում է սահմանել ոչ թե վեց ամիս, այլ մեկ տարի՝ ևս վեց ամսով երկարաձգման հնարավորությամբ։
Պատգամավորի կարծիքով՝ ճիշտ կլինի գործող ժամկետները թողնել ուժի մեջ և մտածել՝ ինչ անել, որ սահմանված ժամկետներում տեղավորվել: Առանձին դեպքերում գուցե ԱԺ-ն կարող է երկարաձգել՝ առանց ժամկետներ նշելու:
«Եթե խնդիրն ունի հանրային հնչեղություն, պետք է մտածել ինչպես մոբիլիզացնել միջոցները և տեղավորվել սահմանված ժամկետներում: Կարծում եմ սխալ ճանապարհ ենք ընտրել, պետք է օրենքը թողնել ուժի մեջ և ԱԺ-ին թույլ տալ առանձին դեպքերում երկարաձգել՝ չնշելով ժամկետները»,- նշեց Խաչատրյանը:
Մանրամասները՝ տեսանյութում:
