19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
ԱՄՆ-ում հրաձիգը կրակ է բացել տարրական դպրոցում
Քաղաքականություն
25.05.2022 | 11:19
ԱՄՆ Տեխաս նահանգի Ուվալդ քաղաքի տարրական դպրոցում հրաձգության հետևանքով զոհվել է տարրական դպրոցի առնվազն 19 աշակերտ և մեկ ուսուցիչ, հայտնում է BBC-ն։ Եվս 13 երեխա տեղափոխվել է հիվանդանոց, նրանք ունեն տարբեր ծանրության մարմնական վնասվածքներ։ 66-ամյա մի կին և 10-ամյա մի աղջիկ գտնվում են ծայրահեղ ծանր վիճակում։
Հարձակումն իրականացնող 18-ամյա Սալվադոր Ռոմասին իրավապահները փոխհրաձգության ժամանակ չեզոքացրել են։ Տեղական լրատվամիջոցների տեղեկություններով նա եղել է նույն դպրոցի միջնակարգ դպրոցի աշակերտ։ ԱՄՆ նախագահ Ջո Բայդենն հայտարարել է, որ սգում է զոհվածների ընտանիքների հետ միասին ու կոչ է արել անհապաղ միջոցներ ձեռնարկել լոբբիի դեմ, որի հետևանքով պարբերաբար արգելափակվում է զենքի առևտուրը սահմանափակող օրենքների ընդունումը:
Տեխասի նահանգապետ Գրեգ Էբոթի խոսքով՝ հրաձիգը մեքենայով մոտեցել է դպրոցին, մտել է շենք ու կրակ բացել։
Նա զինված է եղել ատրճանակով և AR-15 կիսաավտոմատ հրացանով, կրել է նաև զրահաբաճկոն: Մինչ դպրոց հասնելը Ռոմասը կրակել սպանել է իր տատիկին, հայտնում են ոստիկանության աղբյուրները։ Հաղորդվում է, որ կրակոցներից հետո նա բարիկադավորվել է դպրոցի շենքում: Associated Press-ի տեղեկություններով նրան գնդակահարել է ԱՄՆ սահմանապահ ծառայության աշխատակիցը, որը դեպքի պահին եղել է դպրոցի մոտակայքում և շտապել է այնտեղ, երբ լսել է կրակոցների ձայնը։
Տաթև Ֆռանգյան
