28.07.2026 | 18:10
Աննա Հակոբյանը պնդում է՝ սպառնալիքներ է ստանում // ՌԴ ԱՀԾ-ն՝ Երևան-Բրյուսել տնտեսական կապերի մասին․ ԼՈՒՐԵՐ
Աշխարհը շարժվում է դեպի ճգնաժամերի նոր դարաշրջան․ SIPRI-ի զեկույցը
Քաղաքականություն
23.05.2022 | 12:25
Բնապահպանական ճգնաժամի և անվտանգության ճգնաժամի համադրությունը վտանգ է ներկայացնում համաշխարհային խաղաղության համար, իսկ որոշում կայացնողները պատրաստ չեն «ռիսկի նոր դարաշրջանին», զգուշացնում են Ստոկհոլմի Խաղաղության միջազգային հետազոտությունների ինստիտուտի (SIPRI) փորձագետները մայիսի 23-ին հրապարակված զեկույցում:
Փաստաթուղթը ներկայացնում է միջազգային անվտանգության ապագայի մռայլ պատկերը, որը պայմանավորված է միջազգային բնապահպանական ճգնաժամով՝ կլիմայի փոփոխությունը, ռեսուրսների սակավությունը, բույսերի և կենդանիների որոշ տեսակների վերացում, Ռուսաստանի՝ Ուկրաինա ներխուժման շուրջ անվտանգության ճգնաժամով, COVID-19-ի համաճարակով և այլ սպառնալիքներով։
«Լուծումներ գտնելու համար պատասխանատու կառույցները չափազանց դանդաղ են արձագանքում», – զեկույցի նախաբանում գրել է Շվեդիայի արտաքին գործերի նախկին նախարար և շրջակա միջավայրի հարցերով ԵՄ հանձնակատար Մարգոտ Վալստրյոմը:
Սոմալիում, օրինակ, մշտական երաշտը և կլիմայի փոփոխության այլ հետևանքները՝ զուգորդված աղքատության և թույլ կառավարության հետ, նպաստում են իսլամիստական «Հարաքաթ ալ-Շաբաբ» արմատական խմբավորման ազդեցության գոտւ ընդլայնմանը, մինչդեռ Կենտրոնական Ամերիկայում կլիմայի փոփոխության ազդեցությունը հացահատիկի բերքի վրա՝ բռնության և կոռուպցիայի հետ զուգակցված, հանգեցրել է դեպի ԱՄՆ միգրացիայի աճին, ասվում է զեկույցում։
«Շատ բնապահպան փորձագետներ պնդում են, որ մենք այժմ գտնվում ենք կրիտիկական կետում. մենք կարող ենք կա՛մ թույլ տալ, որ բնապահպանական ճգնաժամն ավելի խորանա, կա՛մ ընդունել խնդիրը հիմա և ինչ-որ բան անել այն լուծելու համար»,- ասել է SIPRI-ի ղեկավար Դեն Սմիթը։ Վատ նորությունն այն է, որ այս չափազանց կարևոր պահը գալիս է այն ժամանակ, երբ միջազգային քաղաքականությունը սարսափելի վիճակում է»,- ընդգծել է նա։
Տաթև Ֆռանգյան
