14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Հայկական կողմը որևէ հանդիպում չի չեղարկել և չի մերժել․ ՀՀ ԱԳՆ խոսնակը պատասխանել է Ալիևի հայտարարություններին
Քաղաքականություն
19.05.2022 | 17:27
ՀՀ ԱԳ մամուլի քարտուղար Վահան Հունանյանը մեկնաբանել է Ադրբեջանի նախագահի՝ սահմանազատման և սահմանային անվտանգության հանձնաժողովի աշխատանքների մասին հայտարարությունները։
«Հայկական կողմը շարունակում է հավատարիմ մնալ ձեռք բերված պայմանավորվածությունների կյանքի կոչմանը: Ըստ այդմ, հայկական կողմը որևէ հանդիպում չի չեղարկել և չի մերժել: Երկու երկրների ղեկավարների՝ Սոչիում և Բրյուսելում ձեռք բերված պայմանավորվածությունների շրջանակներում հայկական կողմը շարունակում է պատրաստակամ լինել հանձնաժողովների աշխատանքների մեկնարկը տալու համար»,- ասված է ՀՀ ԱԳՆ-ի տարածած հաղորդագրությունում։
Հիշեցնենք, որ Ադրբեջանի նախագահ Իլհամ Ալիևը դժգոհել է պաշտոնական Երևանից ու նշել, որ Հայաստանը, իբր, հրաժարվել է սահմանների դելիմիտացիայի հարցով հանդիպումից։
