07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Միջազգային գործընկերների արձագանքը դրական է․ Հայաստան կժամանի 39 երկիր․ Արայիկ Հարությունյան․ ՏԵՍԱՆՅՈՒԹ
19.05.2022 | 14:24
Եվրոպայի երևանյան մրցաշարը նոր նշաձող կսահմանի: Այսօր հրավիրված ասուլիսում այս կարծիքը հայտնեց Հայաստանում բռնցքամարտի Եվրոպայի առաջնության կազմկոմիտեի նախագահ, ՀՀ վարչապետի աշխատակազմի ղեկավար Արայիկ Հարությունյանը:
«Մենք նմանատիպ խոշոր մարզական իրադարձություն վաղուց չենք հյուրընկալել Հայաստանում և թե´ պետությունը, թե´ ֆեդերացիան և մեր մյուս գործընկերներն անում են լավագույնը` մրցաշարը բարձր մակարդակով կազմակերպելու համար: Այն գնահատականները, որ ստանում ենք միջազգային գործընկերներից, շատ դրական են: Մենք ուզում ենք նոր նշաձող սահմանել Եվրոպայի առաջնությունների համար»,- ասաց Հարությունյանը: Նա շեշտեց, որ բոլոր մասնակից պատվիրակությունների և մարզիկների մասին հոգ տարված է:
«Մենք տրամադրված ենք լավագույն արդյունքներից մեկը սահմանելու Եվրոպայի այս առաջնությունում: Առաջնության ընթացքում բռնցքամարտի միջազգային և եվրոպական ֆեդերացիաների ներկայացուցիչներին կհյուրընկալենք Հայաստանում»,- ասաց նա:
Արայիկ Հարությունյանը չնշեց բացման արարողության վերաբերյալ մանրամասները, սակայն ընդգծեց, որ շոուն լինելու է Հայաստանում վերջին տարիներին կազմակերպված միջոցառումների ավանդույթներով:
Նշենք, որ Բռնցքամարտի Եվրոպայի առաջնությունը կկայանա մայիսի 22-30-ը: Այն կընդունի Կարեն Դեմիրճյանի անվան մարզահամերգային համալիրը: Բացման պաշտոնական արարողությունը կկայանա մայիսի 22-ին: Այս առաջնությանը կմասնակցեն 39 երկրի 200-ից ավելի մարզիկ:
Մանրամասները՝ տեսանյութում:
