19.05.2026 | 15:00
ՌԴ-ն օգտագործում է ազդեցության գործակալներին Հայաստանում՝ իր նպատակներին հասնելու համար․ Մայքլ Քարփենթեր․ ՏԵՍԱՆՅՈՒԹ
Ռուս զինվորականն իրեն մեղավոր է ճանաչել Ուկրաինայի անզեն բնակչի կյանքը խլելու մեջ
Քաղաքականություն
18.05.2022 | 19:30
Ռուս զինվորականն իրեն մեղավոր է ճանաչել Ուկրաինայի անզեն բնակչի սպանության մեջ։ Վադիմ Շիշիմարինը դատավարության ժամանակ իրեն մեղավոր է ճանաչել Սումիի շրջանում անզեն քաղաքացիական անձի սպանության մեջ, հայտնել է BBC-ի թղթակիցը դատարանի դահլիճից։
Սա ռուս զինվորականի նկատմամբ առաջին դատավարությունն է Ուկրաինայի տարածքում իրականացված հանցագործությունների համար։
Շիշիմարինը մեղադրվում է անզեն հեծանվորդի վրա կրակելու մեջ, ինչպես նաև «Պատերազմի օրենքների և սովորույթների խախտման» հոդվածով։ Այսինքն՝ նրան դատական պատասխանատվության է ենթարկվում որպես պատերազմական հանցագործ։ Նրան սպառնում է մինչև ցմահ ազատազրկում։
Վադիմ Շիշիմարինը, որը ծագումով Ուստ-Իլիմսկից է, ծառայել է որպես ջոկատի ղեկավար Մոսկվայի մարզի դիվիզիաներից մեկում:
Տաթև Ֆռանգյան
