«Մարդ-կազմակերպությունը» 1-2 աշխատողով ՀՀ-ում 10 տենդեր է շահում․ իհարկե, հնարավոր չէ իրագործել․ Թումասյան․ ՏԵՍԱՆՅՈՒԹ

ՀՀ Ազգային ժողովի ֆինանսավարկային և բյուջետային հարցերի ու ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովների համատեղ նիստում քննարկվում է «ՀՀ տարածքային կառավարման եւ ենթակառուցվածքների նախարարությունում դպրոցների սեյսմիկ անվտանգության մակարդակի բարձրացման վարկային և դրամաշնորհային ծրագրերի նկատմամբ իրականացված հաշվեքննության վերաբերյալ» ՀՀ հաշվեքննիչ պալատի ընթացիկ եզրակացությունը:

Ներկայացնելով զեկույցը՝ ՀՀ հաշվեքննիչ պալատի հինգերորդ վարչության պետ Ժորա Մարգարյանը ընդգծեց, որ դպրոցների վերակառուցման ծրագրի շինաշխատանքները կատարվել են շեղումներով: Նրա խոսքով՝ աշխատանքները սահմանված ժամկետներում չեն կատարվել, նախագծերը փորձաքննության են ներկայացվել առանց նախահաշիվների:

ՀՀ ՏԿԵՆ Հայաստանի տարածքային զարգացման հիմնադրամի գործադիր տնօրեն Ա․ Սողոմոնյանը խոսելով խախտումների մասին՝ ընդգծեց, որ ուշացման բոլոր դեպքերում տույժեր են կիրառվել:

«Քաղաքացիական պայմանագիր» խմբակցության պատգամավոր Միքայել Թումասյանը, անդրադառնալով խախտումների պատճառներին, նկատեց. «Մարդ-կազմակերպությունը» 1-2 աշխատողով ՀՀ-ում 10 տենդեր է շահում. իհարկե, հնարավոր չէ իրագործել հսկողությունը: Երկրորդ՝ շինարարական աշխատանքներ իրականացնող կազմակերպությունը, որն ունի մեկ-երկու տեխնիկա, տարբեր մազերում չի կարող միաժամանակ աշխատանքներ իրականացնել: Սրանք են պատճառները, որ ուշանում են աշխատանքները:

Պատգամավորը հավելեց, որ պետք է ունենալ նոր ստանդարտներով ձեռնարկներ:

Մանրամասները՝ տեսանյութում։