06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Հնդկաստանը կասեցրել է Ռուսաստանի հետ ԿԱ-31 ուղղաթիռների գնման գործարքը
Քաղաքականություն
17.05.2022 | 23:06
DefenseNews-ը կարծում է, որ գործարքի կասեցումը կարող է պայմանավորված լինել Հնդկաստանի վրա միջազգային ճնշմամբ՝ Ռուսաստանի հետ համագործակցության պատճառով և Դելիի չեզոք դիրքորոշմամբ՝ կապված Ուկրաինա ռուսական ներխուժման հետ։ Այս մասին գրում է «Ամերիկայի ձայն»-ը։
Հնդկաստանը դադարեցրել է Ռուսաստանի հետ 520 մլն դոլար արժողությամբ 10 ԿԱ-31 ուղղաթիռների մատակարարման շուրջ բանակցությունները։ Այս մասին հայտնում է DefenseNews-ը՝ հղում անելով Հնդկաստանի պաշտպանության նախարարության անանուն աղբյուրին։
Հրատարակության զրուցակցի խոսքով՝ Դելին մտավախություն ունի, որ Ռուսաստանը Ուկրաինայի հետ զինված հակամարտության և պատժամիջոցների ֆոնին չի կարողանա կատարել պաշտպանության ոլորտի պատվերը: Բացի այդ, առկա է մտավախություն վճարումների հետ կապված խնդիրների վերաբերյալ։ Աղբյուրը պարզաբանել է, որ Հնդկաստանի Կենտրոնական բանկը մեխանիզմ էր մշակում Ռուսաստանի հետ գործարքների համար ռուբլով և ռուփիով վճարելու համար, սակայն փորձերն անհաջող էին։
DefenseNews-ը չի բացառում, որ գործարքի կասեցումը պայմանավորված լինի Հնդկաստանի վրա միջազգային ճնշմամբ՝ Ռուսաստանի հետ համագործակցության պատճառով և Դելիի չեզոք դիրքորոշմամբ՝ կապված Ուկրաինա ռուսական ներխուժման հետ։
Վաշինգտոնն ավելի վաղ հորդորել էր Դելիին հրաժարվել Մոսկվայի հետ համագործակցությունից և կենտրոնանալ Միացյալ Նահանգների հետ ռազմավարական երկխոսության վրա:
