Լավ են անում, պաշտպանում են․ Վահագն Ալեքսանյանը՝ ԱԺ-ում ոստիկանական մեծաթիվ ուժերի մասին. ՏԵՍԱՆՅՈՒԹ

«Քաղաքացիական պայմանագիր» խմբակցության պատգամավոր Վահագն Ալեքսանյանն այսօր խորհրդարանական ժեպազրույցի ժամանակ անդրադարձավ հարցին, թե ինչու է ԱԺ շենքը հսկվում մեծաթիվ ոստիկանների կողմից և ինչու էր երեկ շենքում դիպաուկահար տեղակայվել։

Պատգամավորի խոսքով՝ բողոքի ակցիայի մասնակցիների թվում, հենց առաջին շարքերում կան անկարգություններ հրահրողներ։

«Հենց Ռոբերտ Քոչարյանի կողքով շատ հաճախ քայլում են երիտասարդներ, որոնք կադրերը կան, թե ոնց էինք ջարդում կառավարության շենքը, այնտեղ փոքրիկ ջեբկիրություններ անում, ոնց էին հարձակվում ԱԺ նախագահի վրա։ Երբ խոսում եք ցուցարարների մասին, կան կադրեր, թե ինչպես են ընդդիմադիր ցուցարները հարձակումներ գործում տարբեր հանրային գործիչների նկատմամբ, ուղղակի քաղաքացիների նկատմամբ, ովքեր իրենց հետ համաձայն չեն, հարվածում են քաղաքացիների մեքենաներին, ովքեր իրենց հետ չեն ուզում առնչություն ունենալ։ Էս ամենը ոչ մի կապ չունի խաղաղ ցույցերի հետ։ Եվ, բնական է, որ ԱԺ-ում, կառավարության շենքում, այո, պետք է կիրառվեն բոլոր անվտանգային միջոցառումները։ Դուք ինձ հարցնում եք, թե ինչո՞վ է պայմանավորված, որ ԱԺ շենքը պաշտպանում են ոստիկանական ուժեր, իմ պատասխանը ձեզ հետևյալն է՝ լավ են անում, պաշտպանում են։ Ու բոլոր հրոսակախմբերն ու խուլիգանախմբերը պիտի իմանան, որ ՀՀ-ում ժողովրդի իշխանությունը պաշտպանված է, հակաժողովրդական ուժերը ու նրանց փոքրիկ բանդիտական խուլիգանախմբերը ոչ մի պարագայում չեն կարո զավթել իշխանություն»,- նշեց Ալեքսանյանը։

Մանրամասները՝ տեսանյութում: