03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Դուք ապացուցեցիք՝ իշխանության արտաքին քաղաքականությունը բխում էր Հայաստանի շահերից. Շարմազանովը՝ Փաշինյանին. ՏԵՍԱՆՅՈՒԹ
Քաղաքականություն
30.04.2018 | 15:42
ՀՀ ԱԺ փոխնախագահ Էդուարդ Շարմազանովը ՀՀԿ-Նիկոլ Փաշինյան բանակցությունների ժամանակ հարց ուղղեց․ ««Ելք» խմբակցությունը տարիներ շարունակ քննադատել է Հայաստանի իշխանությունների արտաքին քաղաքականությունը, երբեմն շատ խիստ, Դուք և Ձեր խմբակցությունը քննադատել եք մեզ ԵՏՄ անդամակցման համար, ավելին՝ ոչ միայն քննադատել եք, այլ նաև նախաձեռնել ԵՏՄ-ից դուրս գալու նախագիծ և համարել եք, որ Հայաստանի արտաքին քաղաքականության սխալներից մեկն է։ Դուք վերջին շրջանում, թե՛ ռուսական լրատվամիջոցներին տված հարցազրույցներում, թե՛ պառլամենտում հայտարարել եք, որ վարչապետ դառնալու դեպքում ԵՏՄ-ից դուրս չեք գալու։ Հիմա ուզում եմ, որպես հասարակ քաղաքացի հարց տալ՝ Նիկոլ Փաշինյանի ո՞ր ասածը հիմք ընդունենք՝ ընդդիմադիր Նիկոլ Փաշինյանի հայտարարությո՞ւնը, որ ԵՏՄ-ից պետք է դուրս գանք, թե՞ վարչապետի թեկնածու Նիկոլ Փաշինյանի, որ ԵՏՄ-ից չպետք է դուրս գանք»։
Փաշինյանը պատասխանեց, որ որևէ մեկի համար գաղտնիք չէ այն, որ ինքը դեմ է քվեարկել ԵՏՄ-ին անդամակցելուն, բայց, այնուամենայնիվ Հայաստանը ԵՏՄ անդամ է և որպես պետական գործիչ պետք է հաշվի նստել իրողության հետ․ «Արտաքին քաղաքական բնագավառում կտրուկ շրջադարձերը կարող են շատ վտանգավոր լինել երկրի համար»։
Մանրամասները՝ տեսանյութում։
