09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էրդողանը հայտարարել է, թե Ուկրաինայի վերաբերյալ առանցքային որոշումները կարող են կայացվել Թուրքիայում
Քաղաքականություն
02.05.2022 | 19:40
Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը դառնալու է Ուկրաինայի արևելքի շուրջ ստեղծված իրավիճակի վերաբերյալ քայլերի մեկնարկային կետը, գրում է «Անադոլու» գործակալությունը։
«Դա կարող է լինել Ստամբուլը կամ Անկարան»,- ասել է Էրդողանը լրագրողների հետ զրույցում։
Նա նշել է, որ շաբաթ օրը իր մամուլի խոսնակ և խորհրդական Իբրահիմ Քալընն ու Թուրքիայի ԱԳ փոխնախարար Սեդաթ Օնալը մեկնել են Կիև, որտեղ հանդիպումներ են ունեցել Ուկրաինայի նախագահ Վլադիմիր Զելենսկիի և այլոց հետ։
«Այնտեղից ցանկություններ են եղել, և հավանաբար այս շաբաթ մենք բանակցություններ կունենանք պարոն Պուտինի հետ։ Նաև պարոն Իբրահիմ Քալընը, հուսով եմ, կարագացնի այդ գործընթացը՝ հանդիպելով պարոն Ուշակովի հետ։ Ինձ հետաքրքրում է, թե ինչպես մենք կարող ենք արագացնել տարհանումը, օրինակ՝ Մարիուպոլից, ինչպես կարող ենք այդ հարցի լուծումը գտնել, և մենք կփորձենք դա անել»,- ասել է Էրդողանը։
Նա նշել է, որ Թուրքիան գործադրում է բոլոր ջանքերը՝ Ստամբուլում կամ Անկարայում Ռուսաստանի Դաշնության և Ուկրաինայի ղեկավարների հանդիպում կազմակերպելու համար։
Էմմա Չոբանյան
