08.06.2026 | 21:33
Բաքվի դատախազը պահանջել է Toplum TV-ի լրագրողներին դատապարտել 13-16 տարվա ազատազրկման
Սկանդալ ռուս-իսրայելական հարաբերություններում․ Իսրայելը ՌԴ դեսպանին կանչել է ԱԳՆ հրեաների մասին Լավրովի հայտարարության պատճառով
Քաղաքականություն
02.05.2022 | 17:30
Իսրայելը վրդովված է հրեաների մասին ՌԴ ԱԳ նախարար Սերգեյ Լավրովի հայտարարություններին։ Այդ կապակցությամբ Իսրայելում Ռուսաստանի դեսպանն այդ երկրի ԱԳՆ է, գրում է BBC-ի ռուսական ծառայությունը։
Mediaset հեռուստաալիքի հաղորդավարը Լավրովին հարցրել է, թե որքանով է կապված Ուկրաինայի հասցեին նացիզմի վերաբերյալ Ռուսաստանի մեղադրանքները այն բանի հետ, որ այդ երկրի նախագահ Վլադիմիր Զելենսկին հրեա է։
Ի պատասխան՝ Լավրովն ասել է․ «Նա (Զելենսկին) մի փաստարկ է առաջ քաշում. ի՞նչ նացիզմ կարող է լինել իրենց մոտ, եթե ինքը հրեա է։ Կարող եմ սխալվել, սակայն Ադոլֆ Հիտլերը ևս ուներ հրեական արյուն։ Դա բացարձակապես ոչինչ չի նշանակում։ Իմաստուն հրեա ժողովուրդն ասում է, որ ամենավառ հակասեմականները, որպես կանոն, հենց հրեաներն են»։
Լավրովի խոսքերն Իսրայելում սկանդալ են առաջացրել։ Երկրի ԱԳ նախարար Յաիր Լապիդը, մասնավորապես, իր թվիթերյան էջում գրել է․ «ՌԴ ԱԳ նախարար Լավրովի հայտարարությունները ոչ միայն աններելի են և վրդովվեցնող, դրանք նաև սարսափելի պատմական սխալ են։ Հրեաները չեն սպանել իրենց Հոլոքոստի ժամանակ։ Հրեաներին հակասեմականության մեջ մեղադրելը հրեաների նկատմամբ ռասիզմի ամենացածր մակարդակն է»։
Էմմա Չոբանյան
