06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ձեռնոց ենք նետում և՛ Ուկրաինային, և՛ ամբողջ Արևմուտքին․ Նավասարդյանը՝ ստորագրված փաստաթղթի մասին․ ՏԵՍԱՆՅՈՒԹ
Քաղաքականություն
21.04.2022 | 13:51
«Նիկոլ Փաշինյանի այցը Մոսկվա, ինչպես նաև ՀՀ և ՌԴ կառավարության տարբեր ներկայացուցիչների միջև տեղի ունեցած քննարկումներն առաջին հերթին պետք են հենց Ռուսաստանին՝ Ռուսաստան – Արևմուտք հարաբերությունների և ուկրաինական պատերազմի համատեքստում»,- «Արցախյան շարժում. ի՞նչ հնարավորություններ բաց թողեցինք և ինչու՞: Ի՞նչ կարող ենք շտկել այսօր» թեմայով քննարկման ժամանակ այս տեսակետը հայտնեց Երևանի մամուլի ակումբի նախագահ Բորիս Նավասարդյանը:
Նրա խոսքով՝ Ռուսաստանն ու Արևմուտքն այսօր գրեթե պատերազմական վիճակում են գտնվում և Ռուսաստանն ուզում է ցույց տալ, որ մեկուսացված չէ, վերջին օրերին բազմաթիվ ջանքեր է գործադրում տարբեր պետությունների ղեկավարների հետ հանդիպումներ կազմակերպելու ուղղությամբ, սակայն դա հաջողվեց միայն Բելառուսի և Հայաստանի հետ:
«Լուկաշենկոն բաց աջակցություն հայտնեց Ռուսաստանին Ուկրաինայի հետ պատերազմի առումով, Հայաստանը դա քողարկված ձևով է անում: Այն փաստաթղթերը որոնք քննարկվում էին պարունակում են դրույթներ, որոնք հակադրվում են Արևմուտքին և Ուկրաինային… Գնալով համագործակցության՝ Հայաստանը հաստատում է, որ այլևս չեզոք կողմ չէ այս պատերազմում… Փաստորեն ձեռնոց ենք նետում և՛ Ուկրաինային, և՛ ամբողջ Արևմուտքին»,- ընդգծեց Նավասարդյանը՝ հավելելով, որ Հայաստանը, այսպիսով, դեմ է գնում Արևմուտքի սահմանած պատժամիջոցներին:
Մանրամասները՝ տեսանյութում:
