07.02.2026 | 12:34
ԱՄՆ նախագահը Իրանի հետ բանակցությունները հաջող է համարել
Ո՞վ կփոխարինի Անուշ Բեղլոյանին ԱԺ-ում. ցուցակի հաջորդ համարը, ամենայն հավանականությամբ, մանդատը չի վերցնի
Քաղաքականություն
15.04.2022 | 18:01
Երեկ՝ ապրիլի 14-ին, Ազգային ժողովի լիագումար նիստում «Քաղաքացիական պայմանագիր» խմբակցության պատգամավոր Անուշ Բեղլոյանն ընտրվեց Մրցակցության պաշտպանության հանձնաժողովի անդամ։ Այս պաշտոնին անցնելու կապակցությամբ նա վայր է դրել պատգամավորական մանդատը։ Բեղլոյանից հետո ՔՊ-ի ընտրական ցուցակում Ռազմիկ Մկրտչյանն է, որը այս պահին զբաղեցնում է Երևանի Շենգավիթ վարչական շրջանի ղեկավարի պաշտոնը։
Արդյո՞ք վերջինս վերցնելու է մանդատը․Factor․am -ի հետ զրույցում Մկրտչյանն ասաց. «Ամենայն հավանականությամբ՝ ոչ»։ Ճշտող հարցին՝ ցանկանում է վարչական շրջանի ղեկավարի գործունեությունը շարունակե՞լ, թե՞ այլ խնդիր կա, նա նշեց. «Այո, կարծում եմ, որ կմնամ, քանի որ այստեղ դեռ շատ անելիքներ ունեմ»։
Նշենք, որ ցուցակում հաջորդ համարը Գայանե Եղիազարյանն է, որը Երևանի ավագանու «Իմ քայլը» խմբակցության ավագանու անդամ է, նաև՝ 2021 թվականից «Քաղաքացիական պայմանագիր» կուսակցության Աջափնյակի տարածքային կառույցի քարտուղարը։ Եթե Մկրտչյանը մանդատը չվերցնելու վերջնական որոշում կայացնի, պատգամավոր կարող է դառնալ Եղիազարյանը։
Մերի Մարտիրոսյան
