19.02.2026 | 21:27
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Վարչապետի պաշտոնում Սերժ Սարգսյանի վերջին ցանկությունը կառավարությունը չկատարեց. ԵզրաԿԱՑՈՒԹՅՈՒՆ
Հաղորդաշարեր
26.04.2018 | 21:59
Մարտի 29-ի նիստում Հայաստանի կառավարությունը որոշել էր նախագահի աշխատակազմի ենթակայության «Կոնդի առանձնատների տնտեսություն» ՊՈԱԿ-ի հաշվեկշռում ամրացված՝ 6-րդ մասնաշենքի մեջ մտնող շենքը և շինությունները՝ սպասարկման տարածքով, հետ վերցնել և սեփականության իրավունքով անհատույց տրամադրել Հայաստանի Հանրապետության պաշտոնաթող նախագահ Սերժ Սարգսյանին՝ որպես բնակարան:
Այս որոշումն ընդդիմության շրջանում դժգոհություն հարուցեց, քանի որ այդ առանձնատներում բնակվում են գործող պաշտոնյաները: Խորհրդարանի ապրիլի 17-ի հատուկ նիստում, վարչապետ ընտրվելիս, պատգամավոր Արտակ Զեյնալյանի հարցին, թե ինչո՞ւ է այդ առանձնատունը տրամադրվել Սերժ Սարգսյանին, վերջինս պատասխանեց. «Այդ իրավունքից օգտվել են նախորդ երկու նախագահները: Ես էլ եմ օգտվել: Եթե օրենքով չի հասնում՝ կարող եմ հետ վերադարձնել: Բայց եթե հասնում է, պետք է շնորհավորեք, որովհետև, բոլոր դեպքերում, ես էլ ունեցա սեփական տուն Երևանում»:
Մայրաքաղաքում բողոքի ցույցերի ժամանակ «Իմ քայլը» նախաձեռնության ղեկավար, ԱԺ պատգամավոր Նիկոլ Փաշինյանը պահանջում էր Սերժ Սարգսյանից հրաժարվել այդ տարածքում բնակարանից: Ապրիլի 19-ին՝ կառավարության՝ իր վարած միակ նիստում վարչապետ Սերժ Սարգսյանը հրաժարվեց բնակարանից. «Ես որոշում եմ կայացրել հրաժարվել այդ տան նկատմամբ սեփականության իրավունքից հենց այսօր: Պարո՛ն Գևորգյան, խնդրում եմ հանձնարարել համապատասխան մարդկանց, որպեսզի որոշման նախագիծ պատրաստեն՝ հաջորդ նիստի ժամանակ ընդունելու համար»:
Կառավարության՝ ապրիլի 26-ի նիստի օրակարգում, սակայն, Սերժ Սարգսյանի բնակարանի հարցը ներառված չէր:
Փաստորեն՝ Սերժ Սարգսյանի վերջին հանձնարարականը կառավարությունը չկատարեց:
