19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Փարիզի արձագանքը ԵԱՀԿ Մինսկի խմբի գործունեության վերաբերյալ հարցին
Քաղաքականություն
12.04.2022 | 10:57
Ֆրանսիան հիշեցնում է իր լիակատար հանձնառությունը՝ նպաստելու Հարավային Կովկասի տարածաշրջանում խաղաղությանն ու կայունությանը: Այս մասին ասված է Ֆրանսիայի ԱԳ նախարարության պաշտոնական կայքէջում հրապարակված հայտարարության մեջ՝ ի պատասխան լրագրողների այն հարցին, թե ինչպես է Ֆրանսիան տեսնում ԵԱՀԿ Մինսկի խմբի ապագան։
«Ֆրանսիան հիշեցնում է իր լիակատար հանձնառությունը, ինչպես երկկողմ ձևաչափով, այնպես էլ որպես Եվրամիության խորհրդի նախագահ և Մինսկի խմբում համանախագահ՝ նպաստելու Հարավային Կովկասի տարածաշրջանում խաղաղությանն ու կայունությանը: Ֆրանսիան շարունակում է աշխատել Հայաստանի և Ադրբեջանի հետ՝ հումանիտար հարցերում առաջընթաց գրանցելու համար, շարունակում է աջակցել սահմանների սահմանագծման աշխատանքներին, տարածաշրջանի ապաշրջափակման, ժառանգության պահպանման, երկու երկրների միջև խաղաղության պայմանագրի ձեռքբերման և Լեռնային Ղարաբաղի հիմնախնդրի կարգավորմանը։
Այդ նպատակով ս.թ. փետրվարի 4-ին Հանրապետության նախագահի նախաձեռնությամբ տեսակոնֆերանսի ձևաչափով հանդիպում է կազմակերպվել Հայաստանի վարչապետի, Ադրբեջանի նախագահի և Եվրոպական խորհրդի նախագահի հետ»,- այս մասին ասված է Ֆրանսաիայի ԱԳՆ պաշտոնական կայքէջում։
Հայտարարության մեջ նաև տեղեկացվում է, որ Մինսկի խմբի ֆրանսիացի համանախագահն այս օրերին աշխատանքային այցով գտնվում է Երևանում։
Հիշեցնենք, որ օրեր առաջ ՀՀ ԱԳ նախարար Արարարտ Միրզոյանի հետ հանդիպումից հետո ՌԴ ԱԳ ղեկավար Սերգեյ Լավորվը հայտարարել էր, որ ԵԱՀԿ Մինսկի խմբի համանախագահները հրաժարվել են ՌԴ-ի հետ համագործակցել այդ ձևաչափում։
Տաթև Ֆռանգյան
