06.10.2026 | 10:32
ՀՀ տարածքում ավտոճանապարհներն անցանելի են
ԵԱՀԿ Մինսկի խմբի համանախագահները հրաժարվել են ՌԴ-ի հետ համագործակցել այդ ձևաչափում․ Լավրով. ՏԵՍԱՆՅՈՒԹ
Քաղաքականություն
08.04.2022 | 15:55
ԵԱՀԿ Մինսկի խմբի համանախագահները հրաժարվել են ՌԴ-ի հետ համագործակցել այդ ձևաչափում։ Այս մասին հայտարարել է ՌԴ ԱԳ նախարար Սերգեյ Լավրովը Հայաստանի արտգործնախարար Արարատ Միրզոյանի հետ բանակցություններից հետո կայացած մամուլի ասուլիսի ժամանակ։
«Ինչ վերաբերում է ԵԱՀԿ Մինսկի խմբի եռյակի գործունեությանը կամ ապագային, ես չգիտեմ՝ ինչ կլինի հետագա ճակատագիրը։ Այս խմբի ֆրանսիացի և ամերիկացի գործընկերները ռուսաֆոբ մոլեգնությամբ, փորձելով չեղարկել այն ամենը, ինչ վերաբերում է Ռուսաստանի Դաշնությանը, չեղարկել են նաև ԵԱՀԿ Մինսկի խմբի համանախագահների եռյակը՝ ասելով, որ չեն շփվի այս ձևաչափով»,- հայտարարել է Լավրովը՝ նշելով, որ դա նրանց ընտրությունն է։
«Դա նրանց իրավունքն է, եթե նրանք պատրաստ են զոհաբերել Ղարաբաղի և ընդհանուր առմամբ Անդրկովկասի շահերը, եթե նրանք պատրաստ են զոհաբերել այս դեպքում հայկական կողմի շահերը, դա նրանց ընտրությունն է»,- հայտարարել է ռուս նախարարը։
Մանրամասները՝ տեսանյութում
Տաթև Ֆռանգյան
