20.11.2024 | 10:02
WTI տեսակի նավթի գինն աճել է
Գաբրիել Սարգսյանը դարձել է շախմատի Եվրոպայի անհատական առաջնության արծաթե մեդալակիր
07.04.2022 | 15:12
Գրոսմայստեր Գաբրիել Սարգսյանը Սլովենիայում անցկացված շախմատի Եվրոպայի տղամարդկանց անհատական առաջնությունում նվաճել է փոխչեմպիոնի տիտղոսը. տեղեկացնում են ԿԳՄՍՆ-ից:
Սարգսյանը 11 հնարավորից վաստակել է 8,5 միավոր և առաջին հորիզոնականը կիսել Գերմանիայի ներկայացուցիչ Մատիաս Բլյուբաումի հետ: Վերջինս հաղթող է ճանաչվել լրացուցիչ ցուցանիշներով, իսկ Սարգսյանը զբաղեցրել է երկրորդ տեղը:
Վերջին տուրում հայ գրոսմայստերը սպիտակ խաղաքարերով 6-րդ քայլում ոչ-ոքի է խաղացել իսպանացի Խայմե Սանտոս Լատասայի, իսկ Մատիաս Բլյուբաումը՝ խորվաթ Իվան Սարիչի հետ։
Հայաստանի ներկայացուցիչներից Եվրոպայի անհատական առաջնության լավագույն 20-յակում ընդգրկվել են նաև Սամվել Տեր-Սահակյանը (12-րդ) և Հայկ Մարտիրոսյանը (13-րդ):
Առաջին 20 հորիզոնականները զբաղեցրած շախմատիստները կմասնակցեն 2023 թվականի աշխարհի գավաթի խաղարկությանը։
ԵԱ-ի մրցանակային ֆոնդը կազմում է 100 հազար եվրո: Մրցաշարի հաղթողը կստանա 20 հազար, երկրորդ հորիզոնականը զբաղեցրած շախմատիստը` 15 հազար, իսկ երրորդը` 10 հազար եվրո:
