Փնտրում ենք Արցախի կարգավիճակի լուծման ուղիներ. Արթուր Հովհաննիսյան. ՏԵՍԱՆՅՈՒԹ

Կառավարության մարտի 31-ի նիստում վարչապետ Նիկոլ Փաշինյանը նշեց, որ Ադրբեջանը Արցախի ուղղությամբ սադրանքներ ձեռնարկելու նպատակ ունի և հավանականություն կա, որ այդ սադրանքները կտեղափոխվեն ՀՀ-Ադրբեջան սահման: Արդյո՞ք սա նշանակում է, որ պատերազմի նոր վտանգ կա: Factor.am-ի հետ զրույցում անդրադառնալով այս հարցին՝ «Քաղաքացիական պայմանագիր» խմբակցութան պատգամավոր Արթուր Հովհաննիսյանը նշեց. «Կան լարվածություններ և ռազմական էսկալացիայի ռիսկեր Հայաստանի և Արցախի սահմաններին: Վարչապետն իր խոսքով նապատակ ուներ հանրությանն իրավիճակի մասին տեղյակ պահել, որպեսզի շարքային քաղաքացիներից մինչև պաշտոնյաներ իրենց գործողությունների հիմքում նկատի ունենան, որ բավականին լարված իրավիճակ է, ընդհուպ ռիսկեր են ստեղծվել մեր պետության, ԼՂ-ի համար: Մենք արձանագրում ենք այն իրողությունները, որոնք կան և ուզում ենք, որ մեր քաղաքացիները հաղորդակից լինեն այդ իրողություններին: Սա ավելի շատ զգոնության համար է արվում»:

Հարցին, թե ինչ է անում ՀՀ իշխանությունը հավանական պատերազմի վտանգները չեզոքացնելու համար, պատգամավորը նշեց, որ այս պահին գլխավոր անելիքը արտաքին դիվանագիտական ճակատում է. «Շատ կարևոր է, որ խոսակցությունը չփակվի ՀՀ-ի և Ադրբեջանի միջև. ամեն ինչ պետք է մոտեցնենք բանակցային սեղանին և փորձենք խաղաղության պայմանագրի բանակցությունների մեկնարկը տալ»:

Հովհաննիսյանի խոսքով՝ Ադրբեջանը հայտարարություններ է անում խաղաղության մասին, սակայն ապակառուցողական քաղաքականություն է վարում: «Մենք պետք է միջազգային հանրությանը ներկայացնենք իրավիճակը, Ադրբեջանի վրա ճնշումը պետք է մեծացնեն, որպեսզի չկարողանա գնալ էսկալացիայի»,- նշեց պատգամավորը: Նա նաև հավելեց, որ հայկական կողմը փնտրում է Արցախի կարգավիճակի լուծման ուղիներ:

Մանրամասները՝ տեսանյութում: