08.02.2026 | 19:26
Նոյեմբերյանում նոր դպրոց ենք կառուցում, առաջիկայում կմեկնարկենք նաև քոլեջի նոր շենքի կառուցումը. Ժաննա Անդրեասյան
Չավուշօղլուն հայտարարել է, որ Կուլեբան և Լավրովը պատրաստակամ են Ուկրաինայի հարցով նոր հանդիպման հարցում
Քաղաքականություն
31.03.2022 | 14:47
Թուրքիայի ԱԳ նախարար Մևլութ Չավուշօղլուն հայտարարել է, որ Ռուսաստանի ու Ուկրաինայի արտաքին գերատեսչությունների ղեկավարները սատարում են Ուկրաինայի հարցով հերթական հանդիպման գաղափարը, գրում է «Անադոլու» գործակալությունը։
«Դմիտրի Կուլեբան և Սերգեյ Լավրովը մեզ հայտնել են, որ պատրաստ են հանդիպմանը։ Առաջիկա մեկ-երկու շաբաթվա ընթացքում կարող է հանդիպում տեղի ունենալ առնվազն Ուկրաինայի և ՌԴ-ի ԱԳ նախարարների մակարդակով»,-ասել է Չավուշօղլուն A Haber հեռուստաալիքի եթերում։
Նրա խոսքով՝ թուրքական կողմն ակտիվ աշխատանք է տանում, որ ԱԳ նախարարներ հանդիպումը տեղի ունենա։
«Հանդիպման ստույգ ժամկետը դեռ չի հաջողվել համաձայնեցնել։ Ռուսական ու ուկրաինական կողմերը հայտարարել են, որ այն կարող է տեղի ունենալ առաջիկա երկու շաբաթում»,-ասել է Չավուշօղլուն։
Նա նաև նշել է, որ իրականությանը չեն համապատասխանում այն պնդումները, թե եթե Թուրքիան ներառվի Ուկրաինայի անվտանգության երաշխավոր երկրների շարքում, ապա Անկարան անմիջապես կմտնի պատերազմի մեջ և զորքեր կուղարկի։
Էմմա Չոբանյան
