07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Միջազգային հանրությանը կոչ ենք անում կանգնեցնել Ադրբեջանի՝ էթնիկ զտման քաղաքականությունը․ ցուցարար․ ՏԵՍԱՆՅՈՒԹ
Հասարակություն
31.03.2022 | 11:34
ՀՀ-ում ապաստանած Արցախից բռնի տեղահանվածները, քաղհասարակության ներկայացուցիչները հավաքվել են ՄԱԿ-ի հայաստանյան ներկայացուցչության դիմաց՝ կոչ անելով միջազգային հանրությանը կիրառելու բոլոր հնարավոր գործուն մեխանիզմները կանգնեցնելու համար Ադրբեջանի կողմից Արցախի Հանրապետության հայ ազգաբնակչության հանդեպ կիրառվող էթնիկ զտման քաղաքականությունն ու գործողությունները։
Նրանք նամակ են հանձնելու ՀՀ-ում ՄԱԿ-ի գրասենյակի ներկայացուցչին, ՀՀ-ում ՌԴ, Ֆրանսիայի, ԱՄՆ դեսպանատներ, Եվրոպական միության պատվիրակության ղեկավարին։
Նամակում նշվում է, որ Ադրբեջանի իշխանությունների կողմից պետական մակարդակով իրականացվող հայատյացության քարոզը, հայոց պատմության խեղաթյուրումը, ԼՂ տարածքում գտնվող քրիստոնեական և պատմամշակութային ժառանգության ալբանացումը, ցեղասպան գործողությունները հիմք են տալիս վստահաբար պնդելու, որ Արցախը ենթարկվում է համակարգված էթնիկ զտման կամ, այլ խոսքով, ցեղասպանության։
«…Թուրքիայի անմիջական աջակացությամբ Ադրբեջանն այսօր քաղաքակիրթ աշխարհի առաջ ակնհայտորեն փորձում է նոր ցեղասպանություն իրագործել, իսկ միջազգային հանրությունն ու մարդու իրավունքների պաշտպանությամբ զբաղվող հեղինակավոր կազմակերպություններն աչք են փակում այս ամենի վրա՝ կամա թե ակամա դառնալով Ադրբեջանի և Թուրքիայի հանցակիցն ու գաղափարակիցը։
Մենք պահանջում ենք հստակ գնահատական տալ Ալիևի և Էրդողանի հանցագործ քաղաքական ռեժիմին, գործի դնել միջազգային հայտնի սկզբունքներն ու մեխանիզմները ԼՂ-ում էթնիկ զտումները կանգնեցնելու համար։
Փաստերը բազմաթիվ են, որոնք հստակ հիմնավորում են, որ արցախահայության գոյությունը վտանգված է, բացառվում է համագոյակցությունը Արցախի Ադրբեջանի կազմում որևէ վարչաիրավական միավորի պայմաններում, նման որոշումը հղի է անդառնալի մարդկային աղետով»,- նշված է միջազգային կառույցներին ուղղված նամակում։
Մանրամասները՝ տեսանյութում:
