23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ադրբեջանը լայնամասշտաբ պատերազմի սպառնալիքով ՌԴ-ին ասում է՝ նոր ճակատ կբացեմ, եթե կուլ չտաք Արցախում սադրանքը․ Ստյոպա Սաֆարյան. ՏԵՍԱՆՅՈՒԹ
Քաղաքականություն
28.03.2022 | 21:32
«Ադրբեջանը լայնամասշտաբ պատերազմի սպառնալիքով Ռուսաստանին երկու տարբերակ է առաջարկում՝ կա՛մ նրան լայնամասշտաբ պատերազմի մեջ կներքաշի՝ Քարագլուխի դիրքերից իրեն հեռացնելու պարագայում, կա՛մ էլ Մոսկվան պիտի համակերպվի Փառուխ գյուղի՝ նվազագույնը պատանդային իրավիճակին, առավելագույնը՝ դրա հայաթափման հետ»,- Factor TV-ի հարցազրույցում ադրբեջանական վերջին սադրանքներն այսպես է գնահատում Միջազգային և անվտանգության հարցերի հայկական ինստիտուտի հիմնադիր Ստյոպա Սաֆարյանը։ Ադրբեջանի Պաշտպանության նախարար Զաքիր Հասանովն այսօր Կենտրոնական հրամանատարական կետում անցկացրած խորհրդակցությունում հրահանգել է հրամանատարներին և սպայակազմին՝ պատրաստ լինել ցանկացած պահի օգտագործելու ժամանակակից զենք, տեխնիկա և այլ զինատեսակներ։ Քննարկվել է նաև Լեռնային Ղարաբաղում իրադրությունը։
Ստյոպա Սաֆարյանի գնահատմամբ՝ Ուկրաինայի դեմ ռուսական պատերազմի հիմնավորումները նաև Ադրբեջանի ղեկավարությունն է փորձում կիրառել․ «Ալիևը գտնում է՝ եթե Պուտինը կարող է իրեն թույլ տալ ապառազմականացնել և քաղաքական կապիտուլյացիա առաջարկել Ուկրաինային, ապա ինչո՞ւ ինքը նույն բանը չի կարող անել Հայաստանի նկատմամբ, ինչո՞ւ պիտի ՌԴ-ին դա թույլատրված լինի, իսկ իրեն՝ ոչ»։
Քաղաքագետը Հայաստանին կապիտուլյացիայի պարտադրանքի փորձ է համարում ադրբեջանական հինգ առաջարկները, որոնց պատասխանելով հանդերձ՝ Հայաստանը բանակցելուն միջնորդելու հարցով դիմել է Մինսկի խմբի համանախագահությանը։ Այդ քայլից հետո Ադրբեջանը սկսեց սադրանքներն Արցախում՝ ո՛չ միայն գազատարը փակելով, այլև Խրամորթ և Փառուխ գյուղերի ուղղությամբ ռազմական սադրանքների գնալով։
Հարցազրույցն ամբողջությամբ՝ տեսանյութում։
Ռոբերտ Անանյան
