26.11.2024 | 18:15
Հարկերից խուսափե՞լ․ չէ, չենք լսել․ ինչու են դատավորներն ապրում կիսակառույց առանձնատներում
ՌԴ-ն իր տարածքում ադրբեջանական իշխանամետ ևս մեկ կայք է արգելափակել
Քաղաքականություն
28.03.2022 | 16:34
Ռուսաստանն իր տարածքում ադրբեջանական ևս մեկ լրատվական կայքի հասանելիություն է արգելափակել։ Խոսքն իշխանամետ oxu․az կայքի մասին է։ Այս մասին հայտարարություն է տարածել հենց լրատվամիջոցը՝ նշելով, որ արգելափակման որոշումը կայացրել է Ռոսկոմնադզորը։
«Տվյալ քայլը, որն իրականացվել է առանց կայքի խմբագիրներին տեղյակ պահելու կամ ծանուցելու, բացահայտորեն հակասում է խոսքի ազատության, ժողովրդավարության և կարծիքների բազմակարծության սկզբունքներին»,- ասվում է հայտարարության մեջ։
Կայքը գտնում է, որ Ռոսկոմնադզորի որոշումը կանխակալ է ու անօրինական։
«Կայքի խմբագրությունը կոչ է անում Ռոսկոմնադզորին, Ադրբեջանում ՌԴ դեսպանատանը և Ռուսաստանի կառավարությանը՝ տվյալ հարցը վերանայել ու տալ իրավական գնահատական։ Արգելափակման մասին առնվազն պետք է պաշտոնապես տեղեկացվի Oxu.Az-ին»,- ասվում է հայտարարության մեջ։
Հավելենք, որ ավելի վաղ Ռոսկոմնադզորն արգելափակել էր Ադրբեջանի իշխանությունների խոսափող Haqqin.az և Minval․az կայքերը։
Էմմա Չոբանյան
