07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Որոշ բեռների ժամկետն անցել է, հետ ենք ուղարկում ճանապարհից․ բեռնափոխադրողները՝ Լարսում վիճակի մասին․ ՏԵՍԱՆՅՈՒԹ
Տնտեսություն
25.03.2022 | 15:46
«Բեռնափոխադրող ընկերությունները ֆինանսական կորուստներ են կրում»,- այսօր հրավիրված ասուլիսի ժամանակ ասաց բեռնափոխադրող ընկերության տնօրեն Վարուժան Քոլյանը՝ անդրադառնալով Վերին Լարսում բեռնատարների մի քանի կիլոմետրանոց հերթի պատճառով առաջացած խնդիրներին:
«Միրգ-բանջարեղենով բեռնված մեքենաներ են, որոնց սառնարաններն անդադար աշխատում են, օրական վաթսուն լիտր դիզել են սպառում, ու կորուստները չեն փոխհատուցվում: Ամբողջ ծախսը բեռնափոխադրող ընկերության վրա է․ վարորդի գործուղման ծախսեր և այլն։ Ապրանքներ կան, պահպանման ժամկետը լրացել է, ընկերությունները ստիպված մեքենաները հետ են վերադարձնում, փորձում այստեղի շուկայում վաճառել, որպեսզի մասամբ տուժեն»,- նշեց Քոլյանը:
Մեկ այլ բեռնափոխադրող ընկերության ներկայացուցիչ Մարսել Այվազյանը հավելեց, որ բեռնատարների վարորդներին թույլ չեն տալիս հերթից դուրս գալ, որպեսզի մեքենան լիցքավորեն, իսկ եթե դուրս գան, ապա պետք է հերթում նոր տեղ զբաղեցնեն․ «Կամ էլ ասում են՝ հատուկ ծառայություն ունենք, վճարեք, մեքենան մոտենան լիցքավորի ձեր մեքենան։ Վարորդների սնունդը վերջանում է, չեն էլ կարող մեքենան լքեն։ Գոնե մեր դեսպանատունը մի բան անի, թեկուզ մենք վճարենք, մեր վարորդների սնունդ հասցնեն»։
Մանրամասները՝ տեսանյութում:
