Քաղաքականություն
24.03.2022 | 19:23Կողմերը չպետք է սրեն առանց այն էլ լարված իրավիճակը Լեռնային Ղարաբաղում։ Այս մասին հինգշաբթի կայացած ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Լեռնային Ղարաբաղում ադրբեջանական զինուժի կողմից շփման գծի խախտումների մասին հարցին։
«Համապատասխան աշխատանք է տարվում Արտաքին գործերի, Պաշտպանության, Էներգետիկայի նախարարությունների, Գազպրոմի գծով: Եվս մեկ անգամ ասում եմ՝ իրավիճակն առանց այն էլ լարված է, բարդ է, այն չպետք է խորացվի երկու կողմերի գործողություններով»,- ասել է Զախարովան։
Ասկերանի շրջանում ադրբեջանական զինուժի կողմից շփման գծի խախտումների մասին հարցին ի պատասխան՝ ՌԴ ԱԳՆ ներկայացուցիչը նշել է, որ այդ իրավիճակի գնահատականը պետք է տան տեղում գտնվող խաղաղապահ ուժերը:
Հիշեցնենք՝ մարտի 24-ին հայտնի դարձավ, որ ադրբեջանական զինուժը հատել է շփման գիծը Լեռնային Ղարաբաղի Ասկերանի շրջանի Փառուխ գյուղի մոտակայքում։
Տաթև Ֆռանգյան
