18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ՆԱՏՕ-ն մարտական խմբեր կստեղծի Բուլղարիայում, Հունգարիայում, Ռումինիայում և Սլովակիայում
Քաղաքականություն
24.03.2022 | 19:33
ՆԱՏՕ-ի անդամ երկրները հաստատել են դաշինքի չորս նոր մարտական խմբերի ստեղծումը: Այս մասին հայտարարել է Յենս Ստոլտենբերգը ՆԱՏՕ-ի գագաթնաժողովից հետո տեղի ունեցած մամլո ասուլիսի ժամանակ:
«Առաջին քայլը ՆԱՏՕ-ի չորս նոր մարտական խմբերի տեղակայումն է Բուլղարիայում, Հունգարիայում, Ռումինիայում և Սլովակիայում: Բալթյան երկրներում և Լեհաստանում գոյություն ունեցող ուժերի հետ միասին մենք կունենանք ՆԱՏՕ-ի ութ բազմազգ մարտական խմբեր արևելյան թևի երկայնքով՝ Բալթիկից մինչև Սև ծով»,- ասել է ՆԱՏՕ-ի ղեկավարը:
Նա նշել է, որ դաշինքն առերեսվում է նոր իրականության հետ։
«Դաշինքի արևելյան հատվածում՝ ցամաքում, մենք զգալիորեն ավելի շատ ուժեր կունենանք ավելի բարձր պատրաստվածությամբ՝ ավելի շատ ներուժով ու սպառազինություններով»,- ասել է Յենս Ստոլտենբերգը։
Տաթև Ֆռանգյան
