14.09.2026 | 09:30
ՀՀ տարածքում ավտոճանապարհներն անցանելի են
Անկարան արձագանքել է C-400-ները Կիև ուղարկելու առաջարկին
Քաղաքականություն
24.03.2022 | 16:25
The Wall Street Journal-ն անդրադարձել է շրջանառվող տեսակտին, որ Թուրքիան պետք է իր ռուսական C-400 հակաօդային պաշտպանության համակարգերն ուղարկի Ուկրաինա, ինչը կօգնի կարգավորել հարաբերությունները ԱՄՆ-ի հետ և ճանապարհ կբացի ամերիկյան «Պատրիոտ» համակարգերն ու F-35 կործանիչների ծրագիրը Անկարային վերադարձնելու համար։
Լրատվամիջոցում C-400 համակարգերի շուրջ իր մեկնաբանությունն է արել Թուրքիայի նախագահի աշխատակազմի հասարակության հետ կապերի բաժնի ղեկավար Ֆահրեթիին Ալթունը։
«Թուրքերը դեռ հիշում են, թե ինչպես են մեր դաշնակիցները Թուրքիայից հանել Patriot մարտկոցները թուրք-ռուսական հարաբերությունների ամենալարված ժամանակաշրջաններում: Այս փորձը ունենալով՝ թուրք ժողովուրդն այլևս լուրջ չի վերաբերվում Patriot մատակարարելու Արևմուտքի ոչ պաշտոնական խոստմանը:
Թուրքիայի անօրինական հեռացումը F-35-ի ծրագրից քաղաքական պատճառներով դժվարացնում է Թուրքիային լուրջ ընդունել ծրագրի վերականգնումը»,-գրում է Ալթունը։
Նա նշում է, որ հիմա ԱՄՆ-ի ու Արևմուտքի պարտականությունն է կարագվորել հարաբերությունները Թուրքիայի հետ, որը ՆԱՏՕ-ի 70-ամյա դաշնակիցն է ու տարածաշրջանում կայունացնող դերակատար։
«Թուրքիան, որը Եվրամիությանն անդամակցությունը դիտարկում է որպես ռազմավարական նպատակ և հպարտանում է ՆԱՏՕ-ին իր անդամակցությամբ, ակնկալում է, որ Արևմուտքը իրեն կվերաբերվի այնպես, ինչպես արժանի է: Հարաբերությունները շտկելու համար անհրաժեշտ է վստահության ամրապնդման միջոցներ, ոչ թե այսպես կոչված ոչ պաշտոնական առաջարկներ: Շարունակելով պարոն Քոլբեի փաստարկը՝ Արևմուտքը պետք է Թուրքիային մատակարարի F-35 կործանիչներ և Patriot մարտկոցներ՝ առանց նախապայմանների»,-գրում է Ալթունը։
Հիշեցենենք, որ օրերս Պենտագոնը հայտարարել էր, որ Անկարայի հետ բանակցություններ է վարում Կիև C-400 համակարգեր ուղարկելու համար՝ փոխարենը Թուրքիային վերադարձնելով հինգերորդ սերնդի F-35-ի ծրագիր ու հանելով պատժամիջոցները։
Էմմա Չոբանյան
