19.05.2026 | 11:20
Դիմում ենք Հայաստանում հավատարմագրված դեսպաններին ու դիտորդներին. «Հայաստան» դաշինքի հայտարարությունը
Լավրովը սպառնացել է՝ Ուկրաինային ցանկացած ռազմական օգնություն ՌԴ-ի համար թիրախ է լինելու
Քաղաքականություն
18.03.2022 | 15:19
Ռուսաստանի ԱԳ նախարար Սերգեյ Լավրովը հայտարարել է, որ Ուկրաինայի համար զենք պարունակող ցանկացած մատակարարում Ռուսաստանի համար «օրինական թիրախ» կդառնա։ Այս մասին նա հայտարարել է RT հեռուստաալիքին տված բացառիկ հարցազրույցում, փոխանցում է Unian-ը։
«Մենք շատ հստակ ասել ենք, որ ցանկացած բեռ, որը մտնում է Ուկրաինա, և որը, մեր կարծիքով, պարունակում է զենք, կլինի օրինական թիրախ, քանի որ մենք իրականացնում ենք գործողություն, որի նպատակն է վերացնել ուկրաինական տարածքից Ռուսաստանի Դաշնությանը սպառնացող ցանկացած վտանգ»,- ասել է Լավրովը։
Բացի այդ, Լավրովի խոսքով, Մոսկվան թույլ չի տա այլ երկրներից խորհրդային արտադրության հակահրթիռային պաշտպանության համակարգեր փոխանցել Ուկրաինային։
«Խորհրդային և ռուսական արտադրության համակարգեր, հակահրթիռային պաշտպանության համակարգեր. դրանք կան միջկառավարական համաձայնագրերում և պայմանագրերում, որոնք ունեն նաև օգտատերերի վկայական: Օգտագործման այս համաձայնագրերը թույլ չեն տալիս դրանք ուղարկել երրորդ երկրներ»,- ընդգծել է ՌԴ արտգործնախարարը։
Հիշեցնենք, որ ավելի վաղ ՆԱՏՕ-ի գլխավոր քարտուղար Յենս Ստոլտենբերգը նախազգուշացրել էր Ռուսաստանին՝ չփորձել հարձակվել այն ուղիների վրա, որոնցով Ուկրաինան օգնություն է ստանում Դաշինքից։
Տաթև Ֆռանգյան
