23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Չպիտի լինի երեխա, որ մանկապարտեզ գնալու հնարավորություն չունենա․ Փաշինյան․ ՏԵՍԱՆՅՈՒԹ
Հասարակություն
17.03.2022 | 12:21
Կառավարությունն իր այսօրվա՝ մարտի 17-ի նիստում որոշում կայացրեց կառավարության պահուստային ֆոնդից ԿԳՄՍ նախարարությանը հատկացնել 67 մլն 125 հազար դրամ:
Այդ գումարից շուրջ 60 միլիոն 60 հազար դրամը նախատեսվում է հատկացնել Կապանի գյուղական բնակավայրերի կրթական որակյալ ծառայությունների հասանելիության ապահովման նպատակով ընտրված 13 բնակավայրերում կրթահամալիրների ստեղծման, նախագծանախահաշվային փաստաթղթերի մշակման և փորձաքննության ծառայությունների ձեռքբերման համար:
«Գտել ենք մի մոդել, որով կարողանալու ենք ապահովել կրթության հասանելիությունը նույնիսկ ամենահեռավոր բնակավայրերում»,- նշեց վարչապետ Նիկոլ Փաշինյանը : -Եթե մենք այս բոլոր ենթակառուցվածքներն իրար կապող լավ ճանապարհներ չունենանք, այս ծրագիրը չի իրագործվի: Այսինքն՝ սա միայն կրթական ծրագիր չէ, ենթակառուցվածքային ծրագիր է: Շատ կարևոր է, որ Սյունիքում ճանապարհաշինական լայն ծրագիր ենք իրականացնում: Այս պիլոտային ծրագիրը սկսել ենք Կապանից, հետո այս նույն ծրագիրն իրականցնում ենք Սյունիքի մյուս խոշորացված համայնքներում, հետո նաև բոլոր մարզերում այս մոդելը պետք է կիրառենք:
Նպատակը հետևյալն է՝ մեր նախընտրական խոստման համաձայն՝ չպիտի լինի երեխա, որ մանկապարտեզ գնալու հնարավորություն չունենա»:
Մանրամասները՝ տեսանյութում:
