16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Ինչպես է ընթանում մարդկանց տարհանումը Մարիուպոլից
Քաղաքականություն
15.03.2022 | 19:13
Ուկրաինական Մարիուպոլի քաղաքային խորհուրդը հայտնել է, որ արդեն երկու հազար ավտոմեքենա է դուրս եկել Մարիուպոլից, փոխանցում է BBC-ի ռուսական ծառայությունը։
Մարդիկ հետևում են Մարիուպոլ-Զապորոժիե երթուղուն։ Եվս 2000 մեքենա էլ կանգնած է քաղաքից դուրս։ Նշվում է, որ Մարիուպոլի պաշարումը շարունակվում է ավելի քան երկու շաբաթ․ քաղաքում չկա էլեկտրականություն, չի գործում կապը, մարդիկ չունեն բավարար սնունդ և ջուր։
Ըստ հրապարակման, սակայն, ոչ բոլոր ուղղություններով է տարհանումը հաջողությամբ ընթանում։
«Անհանգիստ իրադրության պատճառով չի կարող սկսվել Էներգոդարի բնակիչների տարհանումը։ Կամենսկիի շրջանում կամրջի վնասվելու պատճառով այժմ դեպի Զապորոժիե ուղիղ երթուղի չկա: Տրանսպորտը գնում է Զապորոժիեի և Օրեխովսկոյեի ուղղությամբ Վասիլևկայից և այլ շրջանցիկ երթուղիներով: Այսօր Էներգոդարի բնակիչները հնարավորություն չունեն ապահով հասնել Վասիլևկա և ավելի հեռու»,- գրել է քաղաքապետ Դմիտրի Օռլովը։
Էմմա Չոբանյան
