29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Ուկրաինայից պատմել են ՌԴ-ի հետ բանակցությունների ընթացքի մասին
Քաղաքականություն
15.03.2022 | 19:00
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը մեկնաբանել է ուկրաինական և ռուսական կողմերի միջև բանակցությունների ընթացքը։ Twitter-ի իր էջում նա գրել է, որ բանակցությունները շարունակվում են։
«Բանակցային հիմնական հարթակում վերսկսվել են խորհրդակցությունները։ Կարգավորմանը վերաբերող ընդհանուր հարցեր, հրադադար, երկրի տարածքից զորքերի դուրսբերում…»,- գրել է նա։
Հիշեցնենք, որ մարտի 14-ին մեկնարկել է Ռուսաստանի Դաշնության և Ուկրաինայի միջև բանակցությունների չորրորդ փուլը, որը շարունակվել է այսօր։
«Շփումը դժվար է, բայց շարունակվում է»,- մեկնաբանել է Պոդոլյակը՝ հավելելով, որ քննարկված հարցերի թվում են խաղաղությունը, հրադադարը, զորքերի անհապաղ դուրսբերումը և անվտանգության երաշխիքները։
Տաթև Ֆռանգյան
