Պատերազմից հետո ԱԻՆ-ում զենք է ավելացվել, որ ծառայողները տարրական գիտելիք ունենան դրանից օգտվելու․ ՏԵՍԱՆՅՈՒԹ

Պատերազմից հետո ԱԻՆ-ում զենք է ավելացվել, որ ծառայողները տարրական գիտելիք ունենան դրանից օգտվելու: Այս մասին ԱԺ պաշտպանության հարցերի մշտական հանձնաժողովի նիստում ներկայացնելով կառավարության 2021-2026 թթ հնգամյա ծրագրի 2021 թվականի կատարման ընթացքի և արդյունքների մասով ԱԻՆ-ի կատարած աշխատանքները՝ հայտնեց ՀՀ արտակարգ իրավիճակների նախարար Անդրանիկ Փիլոյանը:

Նա նաև տեղեկացրեց, որ ԱԻՆ փրկարար ծառայությունը 2021-ին համարվել է 12 անօդաչու թռչող սարքերով, դրանցով համալրված են մարզային բոլոր վարչությունները: «Հաշվետու ժամանակահատվածում ԱԻՆ փրկարար ծառայությունը համալրվել է 12 միավոր անօդաչու թռչող սարքերով, որոնցից 4-ը նախատեսված են հատուկ նշանակության աշխատանքների իրականացման համար, մեկ միավոր՝ մինչև 150 մ խորության պայմաններով որոնողափրկարարական աշխատանքներ իրականացնող ջրային դրոնով»,-ասաց Փիլոյանը:

Ըստ նախարարի՝ այդ համալրումը կատարվել է ոչ թե բյուջեի հաշվին, այլ գործընկերների կողմից եղել է որպես նվիրատվություն: Մինչև այդ գերատեսչությունն ունեցել է ևս 4 ԱԹՍ: «Դրանցով համալրել ենք մեր բոլոր մարզային վարչությունները: Այսինքն մեր բոլոր մարզային վարչություններն ունեն գոնե մեկական դրոն, և անձնակազմն ուսուցանված է, որ դրանցով կատարեն համապատասխան աշխատանքներ»,-ասաց Փիլոյանը:

Փիլոյանը նաև հայտնեց, որ համալրվել են նաև 7 միավոր թեթև բեռնատար, հրշեջ փրկարարական, մարդատար ամենագնաց տրանսպորտային միջոցներով: Բոլոր բեռնատար և ամենագնաց տրանսպորտային միջոցները հատկացվել են Սյունիքի մարզային փրկարարական վարչության ստորաբաժանումներին ձմեռային ժամանակահատվածում մարզի ավտոճանապարհների դժվարանցանելի հատվածներում փրկարարական ծառայության արագ և արդյունավետ կազմակերպման նպատակով: «Մենք այս տարի ամեն տարվա նախատեսվածի փոխարեն լրացուցիչ 3 տաքացման կետեր էինք բացազատել, 3-ն էլ Սյունիքի մարզի ավտոճանապահներին, մասնավորապես Տաթև-Աղվանի-Կապան ճանապարհահատվածում»,-ասաց Փիլոյանը:

Մանրամասները՝ տեսանյութում: