06.10.2026 | 16:40
Ֆրանսիայում թանգարանից գողացել են 150 կիլոգրամանոց «Ապոկալիպսիսի գրքի» բրոնզե կազմը, որը ստեղծել է Սալվադոր Դալին
Աշխատանքային մթնոլորտ չի եղել․ ԶՈՒ բարեփոխումների հայեցակարգը այդպես էլ չբերվեց․ Գեղամ Մանուկյան․ ՏԵՍԱՆՅՈՒԹ
Քաղաքականություն
15.03.2022 | 11:19
ԱԺ պաշտպանության և անվտանգության հարցերի հանձնաժողովի այսօրվա նիստում այսօր քննարկվեց «Զինվորական ծառայության և զինծառայողի կարգավիճակի մասին» օրենքում փոփոխություն և լրացում կատարելու մասին նախագիծը, որը վերաբերում է կրթության իրավունքի իրացմանը։
Նախագծի հեղինակ, «Պատիվ ունեմ» խմբակցության պատգամավոր Տիգրան Աբրահամյանը ներկայացրեց, թե ինչ փոփոխություններ են նախատեսված նախագծով:
Ներկայացնելով կառավարության տեսակետը՝ պաշտպանության փոխնախարար Արման Սարգսյանը հայտարարեց՝ եկել են այն եզրահանգման, որ հաշմանդամություն ձեռք բերած պայմանագրային զինծառայողներին ևս պետք է հնարավորություն տալ անվճար կրթություն ստանալու: Նա նաև հավելեց, որ կառավարությունը դրական եզրակացություն է տալիս նախագծին:
«Հայաստան» խմբակցության պատգամավոր Գեղամ Մանուկյանը ողջունեց այս նախաձեռնությունը: Նրա խոսքով՝ նման արտոնություն տալը դրական վերաբերունք է սպայական ծառայության նկատմամբ:
Մանուկյանը նաև հավելեց, որ հանձաժողովում այնքան էլ աշխատանքային մթնոլորտ չի եղել: «ԶՈՒ բարեփոխումների հայեցակարգը այդպես էլ չբերվեց հանձնաժողվ»,- ասաց պատգամավորը:
Մանրամասները՝ տեսանյութում:
