17.11.2024 | 17:39
Ալիևն ԱՄՆ կոնգրեսականների հետ հանդիպմանը դժգոհել է ՀՀ Սահմանադրությունից
Առաջարկվում է գազա-բենզալցակայաններում սարք դնել, որով կպարզվի՝ թերլիցքավորում արվո՞ւմ է. Կոտոլյան․ ՏԵՍԱՆՅՈՒԹ
Հասարակություն
11.03.2022 | 13:18
ՀՀ ԱԺ տնտեսական հարցերի հանձնաժողովի նախաձեռնությամբ այսօր ընթանում է քննարկում՝ օրակարգում «Առևտրի և ծառայությունների մասին» օրենքում և «Վարչական իրավախախտումների վերաբերյալ ՀՀ օրենսգրքում» լրացում ու փոփոխություններ կատարելու մասին նախագծերի փաթեթ, որով գազաբենզալցակայաններին պարտադրվում է բաշխիչ աշխատակներում ստուգող սարք տեղադրել՝ թերլցումները բացառելու համար։
Հանձնաժողովի նախագահ, «Հայաստան» խմբակցության պատգամավոր Վահե Հակոբյանը հիշեցրեց, որ փաթեթն արդեն մեկ անգամ հետ է ուղարկվել։
ՀՀ էկոնոմիկայի նախարարության որակի, ենթակառուցվածքների զարգացման վարչության պետ Ժաննա Զաքարյանը հայտնեց․ «Մենք արդեն իսկ քննարկումներ ունեցել ենք։ Հաշվի առնելով թերլցումների վերաբերյալ նախարարություն ստացվող պարբերական բողոքները՝ նախաձեռնել ենք իրավական կարգավորում․ հեղուկ վառելիքի, սեղմված բնական կամ նավթային գազերի մանրածախ առևտրի կետերում վառելիքաբաշխիչ աշտարակների համար սահմանվել է պահանջ՝ ռեժիմի ռեգիստրով կահավորված լինել։ Միաժամանակ սահմանվել է համապատասխան վարչական պատասխանատվություն»։
Վահե Հակոբյանը հավելեց, որ նախարարությունն առաջարկում է բոլոր գազաբենզալցակայանների աշտարակների վրա տեղադրել սարքեր, որոնք կվերահսկեն լիցքավորման չափը, ժամը.« Այդ կերպ հնարավոր կլինի պարզել՝ տնտեսվարողը սպառողին փորձո՞ւմ է մոլորեցնել, թե ոչ»։
Շուկայի վերահսկողության տեսչական մարմնի ղեկավար Արմեն Կոտոլյանը պարզաբանեց․ «Խոսքը ոչ թե չափն ու քանակը վերահսկելու մասին է, այլ նրա, որ շատ ժամանակ տնտեսվարողները կարողանում են միջամտել վառելիքաբաշխիչ աշտարակի աշխատանքին, որի հետևանքով լինում են թերլիցքավորումներ։ Այս սարքի օգնությամբ մենք տեսնելու ենք՝ միջամտություն կա՞, թե ոչ։ Եթե կա, ստուգում է լինելու»։
Մանրամասները՝ տեսանյութում:
