«Մարտի 1»-ի մասին հիշեցումը նշանակում է, որ Սերժ Սարգսյանը ադեկվատ չէ. Նիկոլ Փաշինյան.ՏԵՍԱՆՅՈՒԹ

Լուրեր

17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
Բոլորը

Սերժ Սարգսյանի՝ բանակցությունների սեղանը լքելուց հետո, Նիկոլ Փաշինյանն ասաց.

«Սա ևս մեկ անգամ ապացուցեց, որ պարոն Սարգսյանը լավ չի տիրապետում հանրապետությունում ստեղծված իրավիճակին, և ես Հայաստանի Հանրապետության քաղաքացիներին կոչ եմ անում կրկնակի թափով շարունակել զանգվածային անհնազանդությունների գործողությունները, քաղաքացիական անհնազանդությունների գործողությունները և այսօր ժամը 19:00-ին կրկին հավաքվել Հանրապետության հրապարակում: Դուք տեսաք, որ պարոն Սարգսյանը ադեկվատության զգացումը կարցրել է, նա լավ չի տիրապետում իրավիճակին, և ուրեմն մենք պետք է շարունակենք ճնշումներ այնքան ժամանակ, քանի դեռ պարոն Սարգսյանի համարժեքության զգացողությունը չի վերականգնվի: Ուզում եմ ընդգծել, որ պարոն Սարգսյանի սպառնալիքներն ու հոխորտանքները չունեն որևէ իրավական հիմք, որովհետև ՀՀ հավաքների ազատության մասին օրենքի 32-րդ հոդվածը հստակ սահմանում է, որ քանի դեռ հավաքները բնույթով խաղաղ են, ոստիկանությունը պարտավոր է իր իրավասության շրջանակներում աջակցել հավաքին, և ես ոստիկանության կոչ եմ անում քաղաքացիների խաղաղ, առանց զենքի հավաքների ազատությանը, եթե նույնիսկ դրանք, ինչպես իրենք են մեկնաբանում, որոշակի սահմանափակումներ են առաջացնում»,- ասաց Փաշինյանը, ապա ներկայացրեց, որ երբ ՀՀ նախագահ Արմեն Սարգսյանը եկել էր Հանրապետության հրապարակ ինքը շատ հստակ ասել է, որ քննարկման թեմա կարող են լինել միայն իշխանությունից Սերժ Սարգսյանի հեռացումը և իշխանության խաղաղ և անցնցում փոխանցման պայմանները: 

«Եվ ոչ միայն սա ասել եմ, այլև մեր խոսակցության վերջում ևս մեկ անգամ ճշտել եմ՝ արդյոք մենք իրար ճի՞շտ եմ հասկանում և արձանագրել, որ ճիշտ ենք հասկանում: Օրվա վերջում ասել են, որ Սերժ Սարգսյանը պատրաստ է այդ օրակարգի շուրջ քննարկումների: Մենք պայման ենք դրել, որ մեր հանդիպումը սկզբից մինչև վերջ պետք է տեղի ունենա լրագրողների մասնակցությամբ,- ասաց Փաշինյանը, ապա հավելեց,- իսկ այսօր առավոտյան ինձ ասել են, որ կարծես թե թյուրըմբռնում է եղել և խոսք է եղել սկզբից և վերջում լրագրողների մասնակցության մասին, մենք ասել ենք, որ ոչ, մեզ համար պրինցիպիալ է, որ գործընթացը սկզբից մինչև վերջ պետք է տեղի ունենա հանրության համար թափանցիկ ձևով»:

Հարցին՝ արյունահեղությունը կանխելու ի՞նչ ուղիներ եք տեսնում, պատասխանեց. «Ի՞նչ արյունահեղության մասին է խոսքը, ի՞նչ իրավական հիմքով: Արյունահեղությամբ մեզ թող չվախեցնեն»:

Իսկ թե՝ Մարտի 1-ից դասեր չեք քաղել. «Մարտի 1-ից պարոն Սարգսյանը դասեր չի քաղել, և ես համոզված եմ, որ այդ դասը այս քաղաքական պրոցեսի ընթացքում կքաղի»:

Դիտարկմանը, թե Սերժ Սարգսյանն ասաց, որ 7-8 տոկոս քվե ստացած ուժը չի կարող ժողովրդի անունից խոսել, ասաց. «Ուրեմն ես էստեղ հիմա ներկայացնում եմ Հայաստանի Հանրապետության  հարյուրհազարավոր քաղաքացիներին: Ես հայտարարում եմ, որ մեր հայտարարած թավշյա հեղափոխությունը ունի մեր բնակչության 90 տոկոսի աջակցությունը: Ես այստեղ չեմ եկել խոսելու «Ելք» խմբակցության անունից, եկել եմ խոսելու ժողովրդի անունից, և ինձ լիազորված եմ համարում խոսել ժողովրդի անունից, և Սերժ Սարգսյանը պետք է անհապաղ հրաժարական տա: Էդ որ ասում են անդառնալի հետևանքներից խուսափել, եթե չեն ուզում, որ խնդիրներ առաջանան և Ազգային անվտանգության ոլորտում պրոբլեմներ առաջանան, Սերժ Սարգսյանը հիմա իսկ պարտավոր է հրաժարական տալ: Ես համոզված եմ, որ ժողովուրդը իր կամքով և պայքարով հասնելու է այդ հանգրվանին»:

Վերջին հարցին՝ Դուք պատրա՞ստ եք հանդիպել նորից Սերժ Սարգսյանի հետ, ասաց. «Ես ասել եմ, որ պատրաստ եմ քննարկել իշխանությունից իր հեռացման պայմանները և իշխանության խաղաղ և անցնցում փոխանցման պայմանները: Որ պահին Սերժ Սարգսյանը ընդունեց դա, ես պատրաստ եմ քննարկել»: